जनकपुरधाम । प्रधानमन्त्री केपी शर्मा ओलीले मधेस प्रदेश सरकारको महत्वाकाङ्क्षी तथा ठूलो लगानीका ६४ वटा पक्की सडक योजनाको शिलान्यास गरेका छन् । प्रधानमन्त्री ओलीले मधेस प्रदेश सरकारको भौतिक पूर्वाधार विकास मन्त्रालयद्वार आईतवार जनकपुरमा आयोजित विशेष समाहरोमा डिजिटल प्रविधिमार्फत एकैपटक ६४ आयोजनाको शिलान्यास गरेका हुन् । प्रधानमन्त्री ओलीले निर्माण कार्यमा ढिल्ला सुस्ती गर्नेलाई ठेक्का रद्द गर्ने समेत बताउनुभयो ।
उहाँले कोशी मरिन डाइभर्सनको विषयमा भन्ने —२५ वर्षअघि ठेक्का लागेको मरिन डाइभर्सन हालसम्म निर्माण हुन सकेन । त्यस्ता ठेक्केदारलाई कालोसूचीमा राख्ने र ठेक्का रद्द गर्ने बताउनुभयो । नेकपा एमाले सरकार मधेश प्रदेशको विकासमा ठूलो फड्को मारेको भन्दै यस प्रदेशमा बसोबार गर्ने गरीब, दलितलाई १० हजार आवास निर्माण, रेल सेवा विस्तार÷सञ्चालन, पुलपुलेसा निर्माण, सडकहरुको कालोपत्रो लगायतको कार्य गरेको बताउनुभयो ।
उहाँले आज हामीले गरेको ६४ वटा सडक निर्माण शिलान्यसाको कार्य समयमा र गुणस्तरीय किसिमले गर्नका लागि निर्देशन समेत दिनुभएको छ । अब मधेस प्रदेशअन्तर्गत आठ जिल्लाका ६४ वटा प्रादेशिक निर्वाचन क्षेत्रमा पाँच किलोमिटरका दरले ३२० किलोमिटर लम्बाइको पक्की सडक निर्माण हुनेछ । तीन वर्षभित्र सम्पन्न गर्ने कालोपत्रसहितको सो पक्की सडक निर्माणका लागि कूल रु १२ अर्ब ७० करोड खर्च हुने भौतिक पूर्वाधार विकासमन्त्री सरोजकुमार यादवले जनाएको छ ।
उनका अनुसार यसअघि पहिलो चरणमा अगाडि बढाइएका ३२० किलोमिटर सडक योजनामध्ये २०० किलोमिटरभन्दा बढी सडक निर्माण सम्पन्न भइसकेको छ, बाँकी भागको सडक निर्माण तीव्र रूपमा बढाइने छ । निर्माण हुने सडकको चौडाइ साढे पाँचदेखि सात मिटर हुनेछ ।
सडकसँगै प्रदेशका ६४ वटै निर्वाचन क्षेत्रमा एक एक वटा पक्की पुल निर्माणका लागि प्रक्रिया सुरु भइसकेको मन्त्रालयले जनाएको छ । साथै, जलवायु परिवर्तनको प्रभावलाई न्यून गर्दै पूर्वाधार निर्माणमा वातावरणमैत्री प्रविधि र उपायको प्रयोग गरिने भएको छ ।
Discussion about this post