गिरिजानन्द साह/जनकपुरधाम/जेठ १७ गते। ‘दलतन्त्र विरुद्धको भण्डाफोर अभियान’ अन्तर्गत आम जनता पार्टी मधेश प्रदेश कमिटीद्वारा आयोजना गरिएको अन्तरक्रिया कार्यक्रम ‘वर्तमान व्यवस्था: दलतन्त्र कि गणतन्त्र?’ जनकपुरधाममा भव्य रूपमा सम्पन्न भएको छ।
कार्यक्रमको अध्यक्षता मधेश प्रदेश अध्यक्ष उमेश कुशवाहाले गर्नु भएको थियो भने प्रमुख अतिथिको रुपमा आजपा राष्ट्रिय अध्यक्ष तथा पूर्वमन्त्री माननीय प्रभु साहको उपस्थिती रहेको थियो।
अन्तरक्रियामा बोल्दै वक्ताहरुले नेपालमा अहिलेको व्यवस्था गणतन्त्र होइन, दलतन्त्रको रूप लिइसकेको उल्लेख गर्दै गणतन्त्र केवल देखावटी बनेको निष्कर्ष प्रस्तुत गरे। उनीहरूले दलनियन्त्रित शासन व्यवस्थाले जनताको आशा र भरोसा तोडेको, भ्रष्टाचार र लुटतन्त्रले देशलाई थला पारिरहेको, तथा सच्चा लोकतन्त्रको प्रत्याभूति हुन नसकेको धारणा राखे।
अन्तरक्रियामा बोल्दै वक्ताहरुले नेपालमा अहिलेको व्यवस्था गणतन्त्र होइन, दलतन्त्रको रूप लिइसकेको उल्लेख गर्दै गणतन्त्र केवल देखावटी बनेको निष्कर्ष प्रस्तुत गरे। उनीहरूले दलनियन्त्रित शासन व्यवस्थाले जनताको आशा र भरोसा तोडेको, भ्रष्टाचार र लुटतन्त्रले देशलाई थला पारिरहेको, तथा सच्चा लोकतन्त्रको प्रत्याभूति हुन नसकेको धारणा राखे। वक्ताहरूले हालको गणतन्त्रीय व्यवस्थालाई ‘जनताको शासन’ भन्दा ‘दलहरूको कब्जा’ भएको प्रणालीको रूपमा चित्रण गरे। उनीहरूले दलतन्त्रका नाममा भइरहेका सत्ता स्वार्थ, भागबण्डा, र भ्रष्ट अभ्यासको कडा आलोचना गरे।
प्रमुख अतिथि प्रभु साहले भने “हामीले प्रतिवद्धता गरेका गणतान्त्रिक मूल्य र आदर्शहरू आजका दलहरूले पद, पैसा र सत्ताको लागि बेचिरहेका छन्। जनताको लागि होइन, आफ्ना कार्यकर्ताको लाभका लागि शासन गरिन्छ। अब जनताले आफैंको गणतन्त्र निर्माण गर्नुपर्ने बेला आएको छ।”
तीनवटा बाटो छ, एक शाही राजा पुनः ल्याउने, दोस्रो अहिलेका दलका राजाहरुलाई यसरी नै झेल्ने र तेस्रो तथा हाम्रो अभियान जनतालाई राजा बनाउने उनले भने, ‘मधेशका जनतालाई बन, नदी, बालुवा, गिट्टी कुनै पनि स्रोतमा अधिकार दिइएको छैन, सबै तिनै दलका मतियारहरु ठेक्का लिएर खाने गरेका छन् र हिस्सा तिनलाई पनि पठाउने गरेका छन् ।’
उनले नारायणहिटी जस्तै सिंहदरबार पनि छोडन अहिलेका राजाहरुलाई चेतावनी दिइसकिएको बताउदै सिंहदरबारबाट लखेटने परिस्थितिको श्रृजना हुन सक्ने बताए । एमालेका अध्यक्ष केपि ओली सहितका संग राजनीतिक टक्कर लिएर पनि आफु जितेर गएको बताउदै साहले गर्नेलाई जनताले बिश्वास गर्नुपर्ने बताए । कार्यक्रममा विभिन्न क्षेत्रका बुद्धिजीवी, पत्रकार, विद्यार्थी, शिक्षक, युवा र स्थानीय राजनीतिक व्यक्तित्वहरूको उल्लेखनीय उपस्थिति रहेको थियो।
Discussion about this post