गिरिजानन्द साह/जनकपुरधाम/फागुन ४ गते ।जनकपुरधाममा दोस्रो इन्टर स्कुल टी–२० क्रिकेट प्रतियोगिता अन्तर्गत शिशु प्रज्ञा सदन र मोनास्टिक स्कुल विजय भएका छन । 
आजको पहिलो खेल संकटमोचन मा.वि. र मोनास्टिक स्कुल बीच भएको थियो जसमा संकटमोचन मा.वि. ले टस जितेर सुरुवातमा ब्याटिङका लागि मोनास्टिक स्कुललाई आमन्त्रण गरेको थियो ।मोनास्टिक स्कुल का खेलाडीहरु १८ ओभरमा ७ विकेट को क्षतिमा १३१ रन बनाउन सफल भएको थियो। संकटमोचन मा.वि.लाई जितको लागि १३२ रनको लक्ष्य दिएको थियो । मोनास्टिक स्कुलको टिमका लागि रोहित महतो ले १४ बलमा ३१ र नितेश यादवले २२ बलमा २७ रनको योगदान दिएको थियो ।
संकटमोचन मा.वि. को तर्फबाट लागि बलिङ गरेका अजय मण्डलले ३ ओभरमा १८ रन खर्चेर ३ विकेट र एम डि सौकत अलि ले ३ ओभरमा २८ रन खर्चेर २ विकेट लिन सफल भएका थिए ।
खेलमा जवाफ ब्याटिङका लागि आएका संकटमोचन मा.वि.का खेलाडीहरु निर्धारित १८ ओभरमा ८ विकेटको क्षतिमा रनमै ९७ रन मात्रै बनाउन सफल भयो र मोनास्टिक स्कुलले ३४ रनले खेल जित्न सफल भयो। संकटमोचन मा.वि.का टिमका लागि शिवा मेस्तरले २३ बलमा २५ रन बनाए भने अभिषेक कर्ण ले ६ बलमा १४ रन बनाए । मोनास्टिक स्कुलका लागि बलिङ गरेका रोहित महतोले चार ओभरमा १८ रन खर्चेर २ विकेट र सदिक रेजा ले ३ ओभरमा १५ रन खर्चेर २ विकेट लिए । यस खेलको म्यान अफ दी मोनास्टिक स्कुलका रोहित महतो घोषित भएका थिए । यस खेलको म्यान अफ द म्याचको उपाधी रास्वपा रास्ट्रय प्रवक्ता तथा प्रतिनिधि सभा सदस्य मनिस झा द्वारा हस्तान्तरण गरिएको थियो।
त्यस्तै आजको दोस्रो खेल एरे ईन्टरनेशनल स्कुल र शिशु प्रज्ञा सदन बीच खेल भएको थियो जसमा एरे ईन्टरनेशनल स्कुलले टस जितेर ब्याटिङ रोजेको थियो । एरे ईन्टरनेशनल स्कुलका खेलाडीहरु निर्धारित २० ओभरमा सबै विकेट गुमाएर ११८ रन बनाउन सफल भएका थिए । एरे ईन्टरनेशनल स्कुलले जितको लागि ११९ रनको लक्ष्य प्रतिद्धन्धी टिम समक्ष प्रस्तुत गरेका थिए । यस टिमका लागि साहिल राइनले २४ बलमा ३७ रन र निलेश रायले १७ बलमा १३ रनको योगदान दिएका थिए।
शिशु प्रज्ञा सदनका लागि बलिङ गरेका दिव्यान्शु मिश्राले ४ ओभरमा ३१ रन खर्चेर ४ विकेट र शिवम ठाकुरले १.३ ओभरमा ३ रन खर्चेर २ विकेट लिए ।
जवाफ ब्याटिङका लागि आएका शिशु प्रज्ञा सदनले १७.२ ओभरमा ७ विकेट को क्षतिमा ११९ रन बनाएर ३ विकेटले जीत हासिल गर्न सफल भयो । यस टिमका लागि विकाश शर्माले ३५ बलमा २३ रन र शिवम ठाकुरले १९ बलमा ३० रन बनाए । एरे ईन्टरनेशनल स्कुलका लागि बलिङ गरेका रुपेश ठाकुरले ४ ओभरमा ३७ रन खर्चेर २ विकेट हासिल सफल भएका थिए भने शाहिल राईनले ४ ओभरमा २२ रन खर्चेर २ विकेट हासिल गरेका थिए । यस खेलको म्यान अफ दी म्याच शिशु प्रज्ञा सदनका शिवम ठाकुर घोषित भए जसले ब्याटिङ गर्दै १९ बलमा ३० रनको योगदान दिए भने बलिङ गर्दा १.३ ओभरमा ३ रन खर्चेर २ विकेट लिएका थिए । यस खेलको म्यान अफ द म्याचको उपाधी धनुषा क्रिकेट संघका सचिन सिंह र शिशु प्रज्ञा सदन स्कुलका म्यानेजिङ डाईरेक्टर आनन्द झा द्वारा हस्तान्तरण गरिएको थियो।
प्रतियोगितामा १६ वटा विद्यालयले भाग लिएका छन् । खेल आइसीसी मान्यता अनुसार भइरहेको छ भने यो प्रतियोगिता जनकपुर स्पोर्टस क्लव र न्यु भिजन नेपालको आयोजनामा भईरहेको छ।

















Discussion about this post