महोत्तरीमा खोलाले बगाएको तीन दिनपछि एक जनाको श व फेला

श्रावण २५ गते । महोत्तरीमा खोलाले बगाएको तीन दिनपछि एकजनाको श व फेला परेको छ ।

महोत्तरीको सोनमा गाउँपालिका –१ का ३८ वर्षीय जावीर अंसारीलाई मडाहा खोलाको बाढीले बगाएको ३ दिन पछि शव फेला परेको हो ।

बिहिबार अपरान्ह अंसारीको शव सोनमा –१ गोवरैया टोलनजिक मडाहा खोलाको पूर्वी बगरमा शव फेला परेको इलाका प्रहरी कार्यालय गौशालाका प्रहरी निरीक्षक मनोज यादवले जानकारी दिए ।

बाढी घट्दै गएपछि स्थानीयको सहयोगमा सशस्त्र र नेपाल प्रहरीको संयुक्त टोलीले शव निकालेका थिए ।

बाढीको पानी जमेको करिव ५ फिट गहिरो खाल्डोमा खोजीगर्दा डोजरको सहायताले शव वाहिर ल्याएको प्रहरी निरीक्षक यादवले बताए ।

मृतकका आफन्तले शवको सनाखत गरेपछि प्रहरीले मुचुल्का तयार गरी परीक्षणका लागि प्रादेशिक अस्पताल जलेश्वर लग्ने तयारी भएको उनले बताए ।