मधेश प्रदेशमा जनमतका २ मन्त्रीले दिए राजीनामा, सिंह र खंग मन्त्री बन्दै

श्रावण १५ गते । मधेस प्रदेशका बिना विभागीयमन्त्री वशसन्त कुशवाहा र राज्यमन्त्री संजयकुमार यादवले राजीनामा दिएका छन्।

कुशवाहाले सम्हालेको भूमि व्यवस्था कृषि तथा सहाकारी मन्त्रालय जेठ ९ मा मुख्यमन्त्री सरोजकुमार यादवले खोसेर एकीकृत समाजवादीका गोविन्द न्यौपानेलाई नियुक्त गरेका थिए ।

नयाँ मन्त्री चन्दन सिंह र राज्यमन्त्रीका लागि रञ्जु खंगलाई पठाउने जनमतका नेता बिपी साहले बताए । सिंहलाई श्रम तथा यातायात मन्त्री बन्ने उनको भनाइ छ । 

‘आजै मन्त्रिपरिषद विस्तारको तयारी छ । हाम्रो पार्टीका दुई जना सरकारमा जानुहुन्छ ।’ आज मन्त्रीपरिषद् बिस्तार हुन लाग्दा मन्त्री कुशवाहा र राज्यमन्त्री यादवले पार्टीको निर्देशनमा पदबाट राजीनामा दिएका हुन्।