असार २९ गते । धारिलो हतियारको प्रयोगबाट एक जनाको ह त्या भएको छ ।
रौतहटको देवाहीगोनाही नगरपालिकाको वडा नम्बर ६ कर्कच कर्मैयाका बर्ष ३५ का जगरनाथ साह कानुको धारिलो हतियारको प्रयोग गरि विहिबार राती घरमा नै ह त्या गरिएको हो ।
विहिबार राती अज्ञात समुहका केही मानिसहरु मोटरसाइकलमा आएको र उनीहरुले आफुलाई अर्को कोठामा थुनेर श्रीमानलाई हत्या गरेको मृतक साहका श्रीमतिले बताएको प्रहरीले जनाएको छ ।
घटना विहिबार राती ११ देखि १२ बजेको समय भएको हुन सक्ने इलाका प्रहरी कार्यालय देवाहीगोनाहीका प्रहरी निरिक्षक गोविन्द कुमार साहले आशंका गर्नु भएको छ । सो घटना भएको मृतक कानुका श्रीमतिले थाहा पाएपछि राती २ बजेर १५ मिनेटमा प्रहरीलाई खबर गरेको र तत्काल नै प्रहरी घटनास्थल पुगेको साहले बताउनु भयो । राती संगै सुतिरहेको श्रीमतिले समेत घटनाबारे विस्तृत जानकारी नहुनुले घटना रहस्यमय भएको प्रहरीको भनाइ रहेको छ । श्रीमानको हत्या भएकाले कानुका श्रीमतिको अवस्था नाजुक रहेकाले अनुसन्धान गर्न नपाएको प्रहरीले जनाएको छ ।
घटनाको अनुसन्धानका लागी प्रदेश प्रहरी कार्यालय जनकपुरबाट तालिम प्राप्त कुकुरको सहयोगमा अनुसन्धान अगाडी बढाइएको इलाका प्रहरी कार्यालय गरुडाका डिएसपि ओम प्रकाश खनालले जानकारी दिनु भयो । घटनास्थलमा हत्याराको रुमाल भेटिएको र सो रुमालको आधारमा उहाको श्रीमतिलाई अनुसन्धानका लागी नियन्त्रणमा लिइएको समेत प्रहरीले बताएको छ ।
हत्या किन र कसले गर्यो यसबारे खुल्न नसकेको घटनाको अनुसन्धान सुक्ष्म तरिकाले भइरहेकाले अपराधी उम्कने नपाउने जिल्ला प्रहरी कार्यालय रौतहटले जनाएको छ । मृतक कानुको शन पोष्टम्याटमका लागी प्रादेशिक अस्पताल गौरमा लगिएको प्रहरीले जनाएको छ ।
Discussion about this post