महोत्तरी : अनुशासनहिन काम गरेको भन्दै एकसय विद्यार्थी विद्यालयबाट निष्काशित

मंसिर १९ गते । विद्यालयको अनुशासन तोडेर सडक जाम गरि सर्वसाधरणलाई दुःख दिएपछि महोत्तरीको गौशाला नगरपालिका ३ स्थित श्री राष्ट्रिय माध्यमिक विद्यालयका कम्तिमा एक सय विद्यार्थीहरु एक हप्ताका लागि निष्काशसनमा परेका छन् ।

विद्यार्थीका अभिभावकहरुलाई विद्यालयमा बोलाएर मेयर डा.दीपेन्द्र महतो विद्यार्थीहरुलाई अनुशासनको कारवाही स्वरुप कडा कारवाही गरेका हुन् । यस्तो कारवाहीमा पर्नेमा कक्षा ९ र १० का विद्यार्थीहरु रहेको विद्यालयका प्रधानाध्यापक शुभकरण यादवले बताए ।

शिक्षकको माग गर्दै औरही–गौशाला सडक खण्डमा टायर बाल्दै चक्का जामगरी प्रदर्शन गरेका थिए । असारमै नगरपालिबाट भर्ना गरिएको ४ जना करारको शिक्षकको समयवधि सकिएपछि प्रभावित हुँदै आएको थियो । नगरपालिकाले अन्य ठाउँमा शिक्षक पठाएर पठन पाठन गराउँदै आएको थियो ।

शिक्षकको अभावमा पठन पाठन प्रभावकारी नभएपछि विद्यार्थी नियमित रुपमा स्कूलमै शिक्षक भर्ना गर्न मेयर महतोसंग माग गरेका थिए । मेयर महतो तीन दिन भित्र शिक्षक पठाउने विद्यार्थीहरुलाई आश्वासन दिएको थियो । तर, विद्यार्थी अरुको उसकाहटमा टायर बालेर सडक जाम गरेपछि कारवाही गरिएको मेयर महतोले बताएका छन् ।

‘चुनावको आचारसंहिता लागेकोले शिक्षक भर्ना प्रक्रिया रोक्नु परेको थियो । त्यसैले ढिलो भयो । ५७ पदका लागि आह्वान गरिएको ५ सय बढी शिक्षकले परिक्षा दिएका थिए । त्यसको नतिजा सार्वजनिक गर्न समय लाग्यो । अब छिट्टै शिक्षक स्कूलमा पठाउँछौं ’, मेयर महतोले भने, ‘ विद्यालयको अनुशासन तोडेका कक्षा ९ र १० का व्दिार्थीहरुलाई एक हप्ताका लागि निष्काशन गरिएको छ ।’ अभिभावले बच्चाहरुलाई संस्कार नसिकाएसम्म गुणस्तरिय शिक्षा दिन नसक्ने उनले बताए ।