महोत्तरी/श्रावण २९ गते। महोत्तरीको मनरासिस्वा नगरपालिकामा मोटरसाइकल दुर्घटनामा परि पाँच जना घाइते भएका छन् ।
शनिबार जलेश्वरबाट सम्सीतर्फ जाँदै गरेको प्रदेश २–०३–०१९ प ११११ नम्बरको मोटरसाइकल र विपरीत दिशाबाट आउँदै गरेको प्रदेश २–०२–००३ प ६७७ नम्बरको मोटरसाइकल एक आपसमा ठोक्किँदा पाँच जना घाइते भएका हुन् ।
घाइते हुनेहरुमा प्रदेश २–०३–०१९ प ११११ नम्बरको मोटरसाइकल चालक जिल्ला सर्लाही बरहथवा नगरपालिका नम्बर १६ का ३५ वर्षीय हरिशंकर यादव र सोही मोटरसाइकल पछाडि सवार उनकी श्रीमती २५ वर्षिया सृजना यादव घाइते भएका महोत्तरी प्रहरीले जनाएको छ ।
त्यस्तै प्रदेश २–०२–००३ प ६७७ नम्बरको मोटरसाइकल चालक महोत्तरी गाँउपालिका वडा नम्बर २ बस्ने २२ वर्षीय विजय यादव, सो मोटरसाईकलमा सवार रहेकी उनकी श्रीमती वर्ष २१ की सुनिता र २ वर्षीया छोरी सोनी रहेका प्रहरीले जनाएको छ ।
घाइते पाँचै जनाको प्रदेशिक अस्पताल जलेश्वरमा सामान्य उपचार पछि थप उपचारको लागि प्रादेशिक अस्पताल जनकपुर पठाइएको जिल्ला प्रहरी कार्यालय महोत्तरीले जनाएको छ ।
Discussion about this post