अस्ट्रेलियाले जित्याे सातौं पटक महिला टी २० विश्वकपको उपाधि

काठमाडाैं/असार २२ गते। अस्ट्रेलियाले सातौं पटक महिला टी २० विश्वकपको उपाधि जितेकाे छ ।

बेलायतकाे लर्ड्समा खेलिएको फाइनलमा टोलीले इङ्गल्याण्डलाई ७ विकेटले पराजित गरेर अष्ट्रेलियाले साे उपाधी जीतेकाे हाे । अस्ट्रेलियाले ३ विकेट गुमाएर १७ बल बाँकी छँदै १५१ रनको लक्ष्य पूरा गरेकाे थियाे ।

बेथ मुनीले ४९ बलमा १० चौकासहित ६४ रनको म्याच विनिङ इनिङ्स खेलेकी थिइन्। फोबी लिचफिल्डले ३५ बलमा ४८ रन बनाइन्। यी दुईले दोस्रो विकेटका लागि १०० रनको साझेदारी गर्दै जितको आधार तयार पारेका थिए । अन्ततः, एलिस पेरी (१३) र एस्ले गार्डनर (३) ले टोलीलाई जितसम्म पुर्‍याउन सफल भए। इङ्ल्यान्डका लागि लरेन बेल, चार्ली डिन र सोफी एक्लेस्टोनले एक–एक विकेट लिएका थिए ।

यसअघि टस हारेर पहिले ब्याटिङ गरेको इङ्ल्यान्डले २० ओभरमा ४ विकेट गुमाएर १५० रन मात्रै बनाएकाे थियाे । कप्तान नट सिभर ब्रन्टले अविजित ५८ रनको इनिङ खेलिनभने फ्रेया केम्प ४४ रनमा अविजित रहिन्। उनीहरूले पाँचौं विकेटका लागि ८० रनको साझेदारी गरेका थिए । अस्ट्रेलियाका लागि लुसी ह्यामिल्टन, एनाबेल सदरल्यान्ड, सोफी मोलिनक्स र किम गार्थले एक–एक विकेट लिए।

अस्ट्रेलियाली कप्तान सोफी मोलिनक्सले आईसीसीका अध्यक्ष जय शाहबाट महिला टी २० विश्वकप २०२६ को ट्रफी ग्रहण गरिन्। ट्रफी लिँदा उनका आँखामा खुसीका आँसु छचल्किए भने सिङ्गो अस्ट्रेलियाली टोली उत्सवमा रमाएकाे थियो।

फाइनलमा बनेका प्रमुख कीर्तिमानहरूः
अस्ट्रेलियाले सातौं पटक महिला टी २० विश्वकप जित्यो। यसअघि सो टोली सन् २०१०, २०१२, २०१४, २०१८, २०२० र २०२३ मा च्याम्पियन बनेको थियो। अन्य विजेता टोलीहरूमा इङ्ल्यान्ड -२००९, वेस्ट इन्डिज -२०१६ र न्युजिल्यान्ड -२०२४ समावेश छन्।

अष्ट्रेलिया एउटा पनि खेल नहारी महिला टी २० विश्वकपको उपाधि तीन पटक जित्ने पहिलो टोली बनेको छ। टोलीले सन् २०१० २०२३ र आज यो उपलब्धि हासिल गरेको हो। यसअघि सन् २००९ मा भएको पहिलो संस्करणमा इङ्ल्यान्डले यस्तो गरेको थियो।

इङ्गल्याण्डले आफ्नै भूमिमा विश्वकपको फाइनल हारेको यो पहिलो पटक थियो। यसअघि सो टोलीले सन् १९७३, १९९३ र २०१७ मा ओडिआई विश्वकप जितेको थियो भने सन् २००९ मा टी २० विश्वकपको उपाधि पनि हात पारेको थियो।

इङ्गल्याण्डले आफ्नै भूमिमा आयोजित महिला टी २० विश्वकपमा १२ खेल खेलेको छ, जसमा उसले ११ खेल जितेको छ भने अस्ट्रेलियाविरुद्धको सन् २०२६ को फाइनलमा मात्र हार बेहोरेको छ।