जनकपुरधाम/असार १६ गते । नेपाली स्मार्ट ग्याजेट ब्रान्ड अल्टिमा लाइफस्टाइलले मधेश प्रदेशमा आफ्नो उपस्थिति विस्तार गर्दै जनकपुरधाममा आधिकारिक शाखा सञ्चालनमा ल्याएको छ। शाखा उद्घाटनसँगै कम्पनीले ग्राहकलाई लक्षित गर्दै विभिन्न विशेष छुट तथा आकर्षक अफर सार्वजनिक गरेको छ।
नवनिर्मित शाखाबाट स्मार्टवाच, इयरबड्स, ब्लुटुथ स्पिकर, पावर बैंक, चार्जर, डाटा केबललगायत विभिन्न मोबाइल एक्सेसोरीका आधिकारिक उत्पादन बिक्री गरिने कम्पनीले जनाएको छ। शाखा सञ्चालनपछि मधेश प्रदेशका उपभोक्ताले आधिकारिक वारेन्टीसहितका गुणस्तरीय उत्पादन तथा बिक्रीपछिको सेवा सहज रूपमा प्राप्त गर्न सक्नेछन्।
शाखाका सञ्चालक अमृता साहले जनकपुरधाम तथा आसपासका उपभोक्तालाई विश्वसनीय र गुणस्तरीय ग्याजेट सहज रूपमा उपलब्ध गराउने उद्देश्यले शाखा सञ्चालनमा ल्याइएको बताइन्। उनका अनुसार स्थानीय स्तरमै आधिकारिक सेवा उपलब्ध हुँदा ग्राहकलाई थप सुविधा पुग्ने विश्वास लिइएको छ।
अल्टिमा लाइफस्टाइलका जनरल म्यानेजर प्रज्ज्वल ढकालका अनुसार शाखा उद्घाटनको अवसरमा विशेष अफर ल्याइएको छ। योजनाअन्तर्गत पहिलो ९९ जना ग्राहकले ९९ रुपैयाँमै इयरबड्स खरिद गर्न सक्नेछन्। त्यसैगरी १ हजार ९९९ रुपैयाँमा स्मार्टवाच तथा ३ हजार ९९९ रुपैयाँमा ब्लुटुथ स्पिकर उपलब्ध गराइनेछ।
त्यस्तै, ८ हजार रुपैयाँ वा सोभन्दा बढीको खरिदमा एक जोडी इयरबड्स निःशुल्क तथा १० हजार रुपैयाँभन्दा बढीको खरिदमा एक स्मार्टवाच निःशुल्क प्रदान गरिने कम्पनीले जनाएको छ।
ढकालले नेपाली उपभोक्तालाई अन्तर्राष्ट्रियस्तरको गुणस्तरीय स्मार्ट ग्याजेट किफायती मूल्यमा उपलब्ध गराउने उद्देश्यका साथ कम्पनीले देशभर आफ्नो आधिकारिक बिक्री सञ्जाल विस्तार गरिरहेको बताए। उनका अनुसार जनकपुरधाममा सञ्चालनमा आएको यो अल्टिमा लाइफस्टाइलको तेस्रो आधिकारिक शाखा हो।
Discussion about this post