गिरिजानन्द साह/जनकपुरधाम/फागुन ३० गते । जनकपुरधाममा आयोजित टाटा पेन्टस दोस्रो अन्तर कलेज क्रिकेट च्यम्पियनसिप २०८० प्रतियोगिता अन्तर्गत बुधबार भएको खेलमा मोडेल कॉलेज र मोनास्टिक कॉलेज विजय भएका छन । 
पहिलो खेल राराव कॉलेज र मोडेल कॉलेज बीच भएको थियो जसमा राराव कॉलेजले टस जितेर पहिला ब्याटिङको गरेको थियो । ब्याटिङ सुरु गरेको राराव कॉलेजका खेलाडीहरु १९.२ ओभरमा ऑलआउट हुँदै १०१ रन बनाउदै प्रतिद्वन्द्वी टिमलाई जितको लागि १०२ रनको लक्ष्य दिएको थियो । राराव कॉलेजको टिमका लागि अकबर अलिले ३१ रनको योगदान दिएको थियो ।
मोडेल कॉलेजको तर्फबाट लागि बलिङ गरेका अमित कुमार मण्डलले ४ ओवेरमा १९ रन खर्चेर ५ विकेट लिन सफल भएको थिए । खेलमा जवाफि ब्याटिङका लागि आएका मोडेल कॉलेजका ब्याट्सम्यानहरु गर्दा ८ विकेट गुमाएर १०२ रन बनाउन सफल भयो र उक्त खेल २ विकेटले जित्न सफल भयो। मोडेल कॉलेजका खेलाडीहरु मध्ये सायमोनले १० रन र समसादले २८ रन बनाएका थिए । राराव कॉलेजको टिमका लागि बलिङ गरेका अंकित सिंह राजपूतले २ विकेट लिन सफल भएको थियो । यस खेलको म्यान अफ दी म्याच मोडेल कॉलेजको खेलाडी अमित कुमार मण्डल भएको थियो। यस खेलको म्यान अफ द म्याचको उपाधी घर जनकपुरधाम घर जग्गा व्यवसायी संघको अध्यक्ष रन्जित पजियार द्वारा प्रदान गरिएको थियो ।
त्यस्तै दोस्रो खेल मोनास्टिक कॉलेज र शिद्दार्थ कॉलेज बीच भएको थियो जसमा शिद्दार्थ कॉलेजले टस जितेर पहिला ब्याटिङगको रोजेको थियो। ब्याटिङ सुरु गरेको शिद्दार्थ कॉलेजका खेलाडीहरु १७ ओभरमा अल आउट भएर ६६ रन बनाउदै प्रतिद्वन्द्वी टिमलाई जितको लागि ६७ रनको लक्ष्य दिएको थियो । शिद्दार्थ कॉलेजको टिमका लागि आयुसले १६ रन रनको योगदान दिएको थियो । मोनास्टिक कॉलेजको तर्फबाट लागि बलिङ गरेका विक्रान्तले ३ विकेट लिन सफल भएको थियो ।
खेलमा जवाफि ब्याटिङका लागि आएका मोनास्टिक कॉलेजका खेलाडीहरु २ विकेटको क्षतिमा सजिलै ७१ रन बनाउदै खेल ८ विकेटले जित्न सफल भयो । मोनास्टिक कॉलेजका खेलाडीहरु मध्ये रन्जित यादवले ३८ रन र विक्रान्तले २२ रनको योगदान दिएको थियो । शिद्दार्थ कॉलेजको आयुसले २ विकेट लिन सफल भएको थियो। यस खेलको म्यान अफ दी म्याच मोनास्टिक कॉलेजको खेलाडी विक्रान्त भएको थियो।यस खेलको म्यान अफ द म्याचको उपाधी रामानन्द युवा क्लबको अध्यक्ष आशुतोष झा र निवर्तमान अध्यक्ष मनमोहन झा द्वारा प्रदान गरिएको थियो ।
प्रतियोगितामा जम्मा ८ वटा क्याम्पसले भाग लिएका छन् । खेल आइसीसी मान्यता अनुसार भइरहेको छ भने यो प्रतियोगिता जनकपुर स्पोर्टस क्लव र न्यु भिजन नेपालको आयोजनामा भईरहेको छ। 
Discussion about this post