माघ २५ गते। जनकपुरधाममा स्कूल बसको ठक्करबाट एक जना पुरुषको मृत्यू भएको छ । मृत्यु हुनेमा भारत मधुवनीका २७ वर्षीय ममताज कवारी छन् ।
बिहीबार (आज) विहान ८ः३० बजेको समयमा जनकपुरधाम उपमहागनरपालिका वडा नं.२३ बेलास्थित जनकपुरधामको श्रीराम बोर्डिँग स्कूलको बसले ठक्कर दिएपछि उनको मृत्यु भएको हो ।
बा २ प ७६० स्कूल बसले साईकल यात्री भारतको मधुवनी जिल्लाका हाल जनकपुर बस्दै आएका कवारीलाई ठक्कर दिएको थियो । उनलाई उपचारको लागि प्रादेशिक अस्पताल जनकपुर लैजाँदा चिकित्सकले मृत घोषित गरेको जिल्ला प्रहरी कार्यालय धनुषाले जनाएको छ । ठक्कर दिने स्कूल बस र चालकलाई प्रहरीले नियन्त्रणमा लिएको छ । घटनाको अनुसन्धान भइरहेको धनुषा प्रहरीले जनाएको छ ।

















Discussion about this post