विनोद मण्डल/वैशाख १५ गते । स्थानिय निर्वाचनको लागी नेपाली कांग्रेस पार्टीले आफ्नो जिम्मेवारी सहितको उम्मेदबारी दर्ता गराएको छ ।
सिरहाको धनगढीमाई नगरपालिकाको मेयर पदका लागी रामचन्द्र यादव र उपमेयर पदका लागी संगिता चौधरीले उम्मेदबारी दर्ता गराएका छन् ।
पूर्व माननीय समेत रहेका यादव हाल नेपाली कांग्रेस जिल्ला कार्यसमिति सभापती समेत हुनुहुन्छ। उम्मेदबारी दर्ता गराउन तामझामका साथ स्थानिय नैनपुर अस्पताल परिसर पुगेका यादवले जनताको विकास नै आफ्नो मुख्य एजेण्डा भएको बताउनुहुन्छ ।करिब 6 हजार कार्यकर्ता सहित मनोनयन स्थल पुगेका यादव लाई कार्यकर्ताहरूले उक्त ठाउँमा फूलमालाले स्वागत गरेका थिए भने आचारसंहिता पालना गराउन कार्यकर्ता स्वयम् परिचालन गरिएको थियो ।
विगतमा गाउँविकास समिति अध्यक्ष पदमा ख्याति कमाईसकेका यादव नेपाली कांग्रेस निकट अशल राजनीतिज्ञ व्यक्ति मानिन्छन् । चुनावी मैदानमा यादव देखिएपछि पालिकाको 14 वटै वडाहरूमा हलचल भएको बुझिएको छ भने यादबलाई विजय गराउन यतिबेला कार्यकर्ताहरु जोडतोडका साथ लागिपरेका छन् । धनगढीमाई 12 का युवाहरु करिब 200 को संख्यामा यादवको नेतृत्वको मूल्यांकन गर्दै विभिन्न पार्टी परित्याग गरी नेपाली कांग्रेस पार्टीमा प्रवेश गरेका छन् ।
लामो राजनीतिक इतिहास बोकेका यादवको उदय धनगढीमाई नगरपालिकामा आवस्यक रहेको भन्दै व्यापक चर्चा भइरहेको अवस्था रहेको पाइन्छ ।

















Discussion about this post