जनकपुरधाम/असोज ३ गते । लायन्स क्लब अफ जनकपुरधाम गार्गीको आयोजना तथा जानकी आँखा अस्पताल जनकपुरधामको प्राविधिक सहयोगमा जनकपुरधाम उपमहानगरपालिका–१९ स्थित वडा कार्यालय, शिवपुरमा शुक्रबार आँखा शिविर सञ्चालन गरिएको छ।
आश्विन २ गते आयोजित शिविरबाट १७४ जनाले आँखा सम्बन्धी सेवा लिएका छन्। शिविरमा सेवा लिनेहरूमध्ये ७४ जनाले मोतियाबिन्दुसम्बन्धी जाँच तथा सेवा लिएको आयोजकले जनाएको छ।
स्थानीय बासिन्दालाई सहज रूपमा आँखा परीक्षण तथा आवश्यक परामर्श उपलब्ध गराउने उद्देश्यले शिविर आयोजना गरिएको लायन्स क्लब अफ जनकपुरधाम गार्गीले जनाएको छ।
शिविरमा लायन्स क्लब अफ जनकपुरधामका अध्यक्षसहित पदाधिकारीहरू, लायन्स क्लब अफ जनकपुरधाम गार्गीका पदाधिकारी तथा पूर्वअध्यक्षहरूको उपस्थिति रहेको थियो।
आयोजकका अनुसार ग्रामीण तथा स्थानीय समुदायमा आँखा स्वास्थ्यसम्बन्धी पहुँच विस्तार गर्ने उद्देश्यले आगामी दिनमा पनि यस्ता स्वास्थ्यसम्बन्धी कार्यक्रमलाई निरन्तरता दिइनेछ।
Discussion about this post