वडा दशैं २०८३ लाई भव्य बनाउन श्री राम युवा कमिटीले तोक्यो विभिन्न संयोजक

जनकपुरधाम/भदौ २८ गते । श्री राम युवा कमिटीको ७९औँ साधारण सभाबाट वडा दशैं २०८३ लाई भव्य, सभ्य तथा धूमधामका साथ मनाउने उद्देश्यले विभिन्न कार्यक्रम तथा व्यवस्थापनका लागि संयोजकहरू मनोनयन गरिएको छ।

कमिटीले वडा दशैंका विभिन्न धार्मिक, सांस्कृतिक तथा व्यवस्थापकीय गतिविधिलाई व्यवस्थित रूपमा सञ्चालन गर्न तपसील बमोजिम संयोजक तथा जिम्मेवारी तोकेको हो।

मनोनित संयोजकहरूमा बौधी माता मन्दिर संयोजकमा रबीन्द्र ठाकुर, अमरखाना मन्दिर संयोजकमा दिलीप साह, कालरात्री (ठेहा) संयोजकमा राम प्रताप साह, भजन सन्ध्या संयोजकमा अजय कुमार साह र विज्ञापन संयोजकमा विनय साह (कोषाध्यक्ष) रहेका छन्।

त्यसैगरी, बेलतोरी/बेलनौतीको जिम्मेवारी कार्यसमिति, सुरक्षा समिति संयोजकमा आनन्द मण्डल, भोजन व्यवस्थापन संयोजकमा राम कुमार मण्डल, पण्डाल, लाइट तथा छठ पूजा संयोजकमा राम कुमार मण्डल, निःशुल्क भोजन संयोजकमा राम गोविन्द साह तथा लाइन व्यवस्थापनको जिम्मेवारी जोगेन्द्र दासलाई दिइएको छ।

श्री राम युवा कमिटीका कोषाध्यक्ष विनय साहले उक्त संयोजकहरू मनोनयन गरिएको जानकारी दिएका हुन्।

कमिटीले वडा दशैं २०८३ लाई धार्मिक तथा सांस्कृतिक परम्पराको संरक्षणसँगै भव्य र व्यवस्थित रूपमा सम्पन्न गर्न सबै संयोजक तथा कार्यसमिति सदस्यहरूलाई सक्रियतापूर्वक जिम्मेवारी निर्वाह गर्न आग्रह गरेको छ।