“विश्वमा आज: एलिजाबेथ द्वितीयको निधनदेखि न्युयोर्क सहरको नामकरणसम्म”

काठमाडाैं/भदाैं २३ गते। विश्वको इतिहासमा सेप्टेम्बर ८ का दिन घटेका प्रमुख घटनाहरू यस प्रकार छन्, जसमध्ये, याे दिनमा  दोस्रो विश्वयुद्ध जारी रहेकाे बखतमा इटालीले आत्मसमर्पण गरेकाे थियाे भने  एलिजाबेथ द्वितीयको निधनदेखि  न्यु एम्स्टर्डम क्षेत्रकाे नयाँ नाम ‘न्युयोर्क’ सहरको नामकरणसम्म गरिएकाे थियाे ।

न्युयोर्क नामकरण (सन् १६६४): डच गभर्नरले न्यु एम्स्टर्डम क्षेत्र बेलायतलाई सुम्पेपछि यस शहरको नाम आधिकारिक रूपमा ‘न्युयोर्क’ राखिएको थियो।

लेनिङग्राडको घेराबन्दी (सन् १९४१): दोस्रो विश्वयुद्धका क्रममा जर्मन सेनाले सोभियत संघको लेनिङग्राड शहरलाई घेराबन्दी गर्न सुरु गरेको थियो, जुन झन्डै ९०० दिनसम्म चलेको थियो।

इटालीको आत्मसमर्पण (सन् १९४३): दोस्रो विश्वयुद्धकै क्रममा इटालीले मित्रराष्ट्रहरू सामु आत्मसमर्पण गरेको घोषणा गरिएको थियो।

जापानसँगको शान्ति सम्झौता (सन् १९५१): सान फ्रान्सिस्को सम्झौतामा ४९ राष्ट्रहरूले हस्ताक्षर गर्दै दोस्रो विश्वयुद्धपछि जापानसँगको युद्ध स्थिति आधिकारिक रूपमा अन्त्य गरेका थिए।

स्टार ट्रेकको पहिलो प्रसारण (सन् १९६६): विश्वभर चर्चित बनेको प्रसिद्ध म्याजिकल/साइन्स-फिक्सन टिभी शृंखला ‘स्टार ट्रेक’ को पहिलो भाग अमेरिकामा प्रसारण भएको थियो।

रिचर्ड निक्सनलाई क्षमादान (सन् १९७४): अमेरिकी राष्ट्रपति जेराल्ड फोर्डले वाटर्गेट काण्डपछि राजीनामा दिएका पूर्वराष्ट्रपति रिचर्ड निक्सनलाई सम्भावित सबै अपराधहरूमा पूर्ण क्षमादान दिएका थिए।

उत्तरी म्यासेडोनियाको स्वतन्त्रता (सन् १९९१): युगोस्लाभियाबाट छुट्टिएर उत्तरी म्यासेडोनियाले आफूलाई स्वतन्त्र राष्ट्र घोषणा गरेको थियो।

महारानी एलिजाबेथ द्वितीयाको निधन (सन् २०२२): बेलायतमा सबैभन्दा लामो समय (७० वर्ष) शासन गरेकी महारानी एलिजाबेथ द्वितीयाको ९६ वर्षको उमेरमा निधन भएको थियो।