भारततर्फ अवैध रूपमा लैजाँदै गरेको ५ लाख मूल्यको फर्सीको बियाँ बरामद

झापा/भदौ १४ गते। झापाको मेचीनगर नगरपालिका–६ तुर्केनीस्थित सीमा क्षेत्रबाट सशस्त्र प्रहरीले अवैध रूपमा भारततर्फ लैजाँदै गरेको ठूलो परिमाणको फर्सीको बियाँ बरामद गरेको छ।

सशस्त्र प्रहरी बल, नेपाल सीमा सुरक्षा गुल्म हेडक्वाटर काँकडभिट्टाका सशस्त्र प्रहरी नायब उपरीक्षक योगबहादुर थापाको कमाण्डमा खटिएको मोबाइल गस्ती टोलीले शनिबार उक्त बीउ नियन्त्रणमा लिएको हो।

भन्सार छलेर तस्करी गर्न लागिएको अन्दाजी ५ लाख रुपैयाँ बराबरको १९ बोरा (५७० किलोग्राम) फर्सीको बीउ बरामद गरिएको सशस्त्र प्रहरीले जनाएको छ। बरामद बीउलाई आवश्यक कानुनी कारबाहीका लागि मेची भन्सार कार्यालय बुझाउने प्रक्रिया अघि बढाइएको छ।