धनुषा/माघ २१ गते। जनकपुरधामस्थित मोनास्टिक स्कुल तथा कलेजले एनुवल स्पोर्ट्स मिट २०८२ को भव्य शुरूवात गरेको छ। बुधबार जनकपुरधाममा रहेको कभर्ड हलमा आयोजित औपचारिक समारोहबीच स्पोर्ट्स मिटको उद्घाटन गरिएको हो।
कार्यक्रमको अध्यक्षता मोनास्टिक स्कुलकी प्रधानाध्यापक शिखा नायक ले गरेकी थिइन् भने उद्घाटन समारोहका प्रमुख अतिथी धनुषा ट्राफिक प्रहरी कार्यालयका ब.प्र.नि. रुपक मैनाली रहेका थिए। त्यस्तै, विशिष्ट अतिथीका रूपमा मोनास्टिक स्कुल तथा कलेजका डाइरेक्टर सोनु साह उपस्थित थिए।
उद्घाटन समारोहलाई सम्बोधन गर्दै प्रमुख अतिथी ब.प्र.नि. रुपक मैनाली ले खेलकुदले विद्यार्थीहरूमा अनुशासन, आत्मविश्वास र नेतृत्व क्षमताको विकास गराउने बताए। उनले भने, “खेलकुद शारीरिक तन्दुरुस्तीको माध्यम मात्र होइन, यो विद्यार्थीको मानसिक विकास र सकारात्मक सोच निर्माण गर्ने सशक्त आधार हो।”
विशिष्ट अतिथी डाइरेक्टर सोनु साह ले मोनास्टिक स्कुल तथा कलेजले शैक्षिक उपलब्धिसँगै खेलकुद र अतिरिक्त क्रियाकलापलाई समान महत्व दिँदै आएको उल्लेख गरे। खेलकुद कार्यक्रमले विद्यार्थीभित्र लुकेका प्रतिभा उजागर गर्ने र उनीहरूलाई प्रतिस्पर्धी तथा जिम्मेवार नागरिक बनाउन मद्दत गर्ने उनले बताए।
कार्यक्रममा जिल्ला खेलकुद विकास समितिका कार्यालय प्रमुख अरविन्द यादव, खेल प्रशिक्षकहरू अरुण लाल कर्ण, उपेन्द्र ठाकुर, शुभाष चन्द्र साह,
सुरज राउत, अनुज झा, स्पोर्ट्स कोर्डिनेटर बीरेन्द्र कर्ण, कल्चरल कोर्डिनेटर धिरज ठाकुर लगायत खेलाडी, खेलप्रेमी दर्शक तथा विद्यार्थीहरूको उल्लेख्य उपस्थिति रहेको थियो।
उक्त अवसरमा विभिन्न खेलका खेलाडीहरू, खेलप्रेमी दर्शक तथा विद्यार्थीहरूको उल्लेख्य सहभागिता रहेको थियो। एनुवल स्पोर्ट्स मिट अन्तर्गत विभिन्न खेल प्रतिस्पर्धाहरू सञ्चालन गरिने आयोजकले जनाएको छ। प्रतियोगिताले विद्यार्थीहरूमा खेलभावना, सहकार्य र अनुशासनको भावना अभिवृद्धि गर्ने विश्वास लिइएको छ।
Discussion about this post