गिरिजानन्द साह/भदौ ३ गते। एसईई परीक्षा–२०८१ मा मधेश प्रदेशका प्रत्येक स्थानीय तहबाट उत्कृष्ट नतिजा ल्याउन सफल भएका छात्र–छात्राहरूलाई आज एक विशेष समारोहबीच साइकल वितरण गरिएको छ।
जनकपुरधाम–८ अवस्थित अवध धर्मशालामा आयोजित कार्यक्रममा शिक्षा तथा संस्कृति मन्त्रालय, मधेश प्रदेशको आयोजनामा सप्तरी, सिरहा, धनुषा, महोत्तरी र सर्लाहीका उत्कृष्ट विद्यार्थीलाई साइकल प्रदान गरिएको हो।
यस अवसरमा नेपाल एसबीआई बैंक लिमिटेडको सहयोग तथा भारतको महावाणिज्य दूतावास, वीरगञ्जको सहकार्य रहेको थियो। कार्यक्रममा विभिन्न जनप्रतिनिधि, शिक्षाविद्, समाजका अग्रणी व्यक्तित्व तथा विद्यार्थीहरूको उत्साहपूर्ण सहभागिता रह्यो।
साइकल वितरण कार्यक्रमले विद्यार्थीहरूलाई अझ मेहनतपूर्वक अध्ययन गर्न प्रेरणा प्रदान गर्ने आयोजकहरूले बताएका छन्।
Discussion about this post