राजर्षि जनक विश्वविद्यालयको दिक्षान्त समारोह सम्पन्न

जेठ २७ गते। राजर्षि जनक विश्वविद्यालयको पहिलो दीक्षान्त समारोह जनकपुरधाममा भव्य रूपमा सम्पन्न भएको छ।

प्रधानमन्त्री केपी शर्मा ओलीले बल्ल जनकपुरधाममा विश्वविद्यालय स्थापना भएको र पहिलो दिक्षान्त समारोह सम्पन्न भएकोमा आश्चर्य व्यक्त गर्दै यसमा शासकीय स्वार्थपन र कुव्यवस्था दोषी रहेको बताएका छन् ।

राजर्षि जनक विश्वविद्यालयको पहिलो दिक्षान्त समारोहलाई सम्बोन गर्दै विश्वविद्यालयको कुलपति एवं प्रधानमन्त्री ओलीले राजर्षि जनक विश्वविद्यालयमा अध्ययनरत विद्यार्थीहरु पहिलो पटक दिक्षित भएकोमा खुशी व्यक्त गर्दै जनकपुरधाम पहिले देखि नै ज्ञानको भूमि भएपनि यहाँ विश्वविद्यालय अहिले आएर स्थापना हुनुमा कुव्यवस्था दोषी रहेको बताए । उनले अब आउने दिनमा यस्ता कमजोरीहरुलाई वास्तविक प्रजातन्त्रको अभ्यास गर्दै हटाउँदै लैजाने प्रतिवद्धता व्यक्त गरे ।

प्रधानमन्त्री ओलीले भने ‘यहाँ सत्ययुगमा ज्ञानको छलफल हुन्थ्यो, विद्वताको छलफल हुन्थ्यो, दर्शनको छलफल हुन्थ्यो, त्यसको ४ हजार वर्षपछि हामी फेरी त्यहीँ स्थानमा आई पुगेका छौँ, खुशी लागिरहेको छ ।’ अगाडी भने ‘४ हजार वर्षपछि फेरी हामी त्यही ठाउँमा पुगेकोमा खुशी छु, बीचमा हाम्रो इतिहास हराई सकेको थियो , केही केही विद्वान मात्रै निस्किए विद्यापतिजस्ता यसमा शासकीय कुव्यवस्थाको कमजोरी हो ।’

प्रधानमन्त्री ओलीले हाम्रो शिक्षाको परम्परा प्राचिन रहे पनि त्यसको प्रचार प्रसारमा हामी पछाडी परिरहेको बताए । उनले भने ‘हाम्रो पहिलो व्यवस्थित विश्वविद्यालय २८ सय वर्ष अगाडी थियो जबकि पश्चिमा विश्वविद्यालयको परम्परा साढे ४ सय वर्ष पुरानो हुनुले पनि हाम्रो शिक्षा प्रणाली प्राचिन रहेकोे कुरालाई प्रमाणित गर्छ ।’ कतिपयले हाम्रो पूर्वीय दर्शन अन्धविश्वासमा आधारित रहेको झुठा कुरा गर्छ तर पूर्वीय दर्शन अन्धविश्वासमा आधारित नभएर सिद्धान्तमा आधारित दर्शन रहेको प्रधानमन्त्री ओलीले खावी गरे ।

प्रधानमन्त्री ओलीले राजर्षि जनक विश्वविद्यालयको विषयमा चर्चा गर्दै भने ‘अहिले थोरै विद्यार्थीहरु छन् तर सफलताकालागि काफि छ, किनभने ठूला ठूला यात्राको आरम्भ पहिलो पाइलाबाट हुन्छ ।’ त्यसैले यो आरम्भलाई शक्तिको रुपमा परिणत गर्दै अगाडी बढ्न आग्रह गरे ।

मधेश प्रदेशका जिल्लामा निरक्षतादर पछिल्लो केही जनगणना बढ्दै जानु चिन्ताको विषय भएको मधेश प्रदेशका मुख्यमन्त्री सतीशकुमार सिंहले बताए साथाई विश्वविद्यालयबाट दीक्षित हुनुभएका विद्यार्थीको उज्ज्वल भविष्यको कामना पनि गरे।

संघीय सरकार मातहतको यो विश्वविद्यालयमा हाल चार संकायका छ भने एमफिल, एमबीए, बीबीए, बीडीबीएम, बीई–सिभिल, बीआईटी, बीसीए, बीएस्सी–सीएसआईटी, बीपीएच, बीएस्सी–एमएलटी, बीएस्सी–एजी, बीए–एलएलबी र बीजेएमसी गरी १३ वटा शैक्षिक कार्यक्रम सञ्चालनमा छ।