गिरिजानन्द साह/जनकपुरधाम/ फागुन २७ गते। जनकपुरधाममा आयोजित बिवाईडी (BYD) चौथो अन्तर स्कुल टी–२० क्रिकेट प्रतियोगिताको उपाधि मोनास्टिक स्कुलले जितेको छ। मंगलवार भएको फाइनल खेलमा मदर टेरेशा पब्लिक स्कुललाई ७ विकेटले पराजित गर्दै मोनास्टिक स्कुलले उपाधि जितेको हो। फाइनल खेलमा मदर टेरेशा पब्लिक स्कुलले टस जितेर पहिले ब्याटिंग रोजेको थियो । मदर टेरेशा पब्लिक स्कुलको टिमले सबै विकेट गुमाउदै ९२ रन बनाउदै ९३ रनको लक्ष्य मोनास्टिक स्कुलको टिम समक्ष प्रस्तुत गरेको थिए । मदर टेरेशा पब्लिक स्कुलको टिमको लागि युवराज शर्माले सार्वधिक १३ रन र सुरज यादवले १० रन बनाएको थियो। मोनास्टिक स्कुलको लागि बलिङ गरेका पियुष ठाकुरले ३ विकेट र सुरज यादवले २ विकेट लिएका थिए ।
जवाफी ब्याटिङका लागि मोनास्टिक स्कुलको टिमले ३ विकेट गुमाएर ९४ बनाउदै बिवाईडी (BYD) चौथो अन्तर स्कुल टी–२० क्रिकेट प्रतियोगिताको ट्रफी जित्न सफल भएको छ ।मोनास्टिक स्कुलको टिमका लागि नितेश यादवले सार्वधिक २८ रन र पियुष ठाकुरले २६ रनको योगदान दिएका थिए । मदर टेरेशा पब्लिक स्कुलको टीमको लागि बलिङ गरेका रिशन झाले २ विकेट र युवराज शर्माले १ विकेट लिएका थिए । यो प्रतियोगिताको प्लेयर अफ द सिरिज पियुष ठाकुर,बेस्ट ब्याट्सम्यानमोनास्टिक स्कुलको आयुष राज साह,इमार्जिंग प्लेयर मदर टेरेशा पब्लिक स्कुलका रिशन झा,बेस्ट किपर मदर टेरेशा पब्लिक स्कुलका इरफान साफी,बेस्ट फिल्डर प्रेम यादव, बेस्ट बलर मदर टेरेशा पब्लिक स्कुलका रिशन झा र फेयर प्ले अवार्ड शिशु प्रज्ञान सदन स्कुललाई प्रदान गरिएको थियो।
यस खेलको म्यान अफ दी म्याच मोनास्टिक स्कुलको टिमका खेलाडी पियुष ठाकुर लाई प्रदान गरिएको थियो । उनले यस खेलमा ४ ओवरमा २३ रन खर्चेर ३ विकेट लिन सफल भएका थिए । बिवाईडी (BYD) चौथो अन्तर स्कुल टी–२० क्रिकेट प्रतियोगिताको ट्रफी समापन कार्यक्रमको प्रमुख अतिथिमा जनकपुरधाम उपमहानगरपालिकाको नगर प्रमुख मनोज कुमार साह द्वारा हस्तान्तरण गरिएको थियो। प्रमुख अतिथि जनकपुरधाम उपमहानगरपालिकाको नगर प्रमुख मनोज कुमार साह आफ्नो मन्तव्य दिदै यो खेलमा दुवै टीमले जितेको आफुले अनुभूत गरिरहेको किनकि स्कुल लेभलमा पढदै फिजीकल फीटनेशको लागि जसले आफ्नो समय खेलमा दिईरहेको छ त्यसैले दुवै टीम जितेको बताउनु भएको छ।
समापन कार्यक्रम न्यु भिजन नेपालको अध्यक्ष अम्बु प्रसाद साहको अध्यक्षतामा भव्य रुपमा सम्पन्न भएको छ। समापन कार्यक्रमको प्रमुख अतिथिमा जनकपुरधाम उपमहानगरपालिकाको नगर प्रमुख मनोज कुमार साह र क्रिकेट एसोसियसन अफ नेपाल (CAN) का उपाध्यक्ष रोशन सिंह रहेको थियो भने कार्यक्रममा अतिथीहरु जनकपुरधाम उपमहानगरपालिका वडा न.-९ का वडा अध्यक्ष परमेश्वर साह, मोनास्टिक स्कुलका डाईरेक्टर सोनु साह,हिरा हस्पिटलको संचालक हिरा यादव,यस प्रतियोगिताको कोर्डिनेटर प्रशान्त अरविन्द ,यस प्रतियोगिताका मिडिया पार्टनर सजिलो पोस्टका अध्यक्ष गिरिजानन्द साह,विभिन्न स्कुलका प्रतिनिधि सरहरु,पत्रकार र खेलप्रेमि दर्शकहरुको उपस्थिती रहेको थियो। यो प्रतियोगितामा सफल बनाउन साथ र सहयोग गर्नु हुने सम्पूर्ण सहयोगी हाथहरुलाई सम्मान गर्दै र धन्यवाद दिदै न्यु भिजन नेपालको अध्यक्ष अम्बु प्रसाद साहले कार्यक्रम समापन गरेका थिए।
प्रतियोगितामा जम्मा १६ वटा स्कुलले भाग लिएका थिए। खेल आइसीसी मान्यता अनुसार भईरहेको थियो भने यो प्रतियोगिता जनकपुर स्पोर्टस क्लव र न्यु भिजन नेपालको संयुक्त आयोजनामा प्रतियोगिता सम्पन्न भयो।
Discussion about this post