गिरिजानन्द साह/जनकपुरधाम/फागुन २४ गते। जनकपुरधाममा बिवाईडी(BYD) चौथो अन्तर स्कुल टी–२० क्रिकेट प्रतियोगिता अन्तर्गत आज क्वालिफायरको लागि भएको खेलमा मदर टेरेशा पब्लिक स्कुल र ईलिमिनेटरको लागि भएको खेलमा मोनास्टिक स्कुल विजय भएका छन ।
आज क्वालिफायरको लागि भएको खेल मदर टेरेशा पब्लिक स्कुल र एर्रे इन्टरनेशनल स्कुल बीच भएको थियो जसमा मदर टेरेशा पब्लिक स्कुलले टस जितेर पहिला ब्याटिंग रोजेको थियो। मदर टेरेशा पब्लिक स्कुलले ब्याटिङ गर्दै सबै विकेट गुमाएर ९४ रन बनाएको थियो। एर्रे इन्टरनेशनल स्कुललाई जितको लागि ९५ रनको लक्ष्य दिएको थियो । मदर टेरेशा पब्लिक स्कुलको टिमका लागि फरानले सर्वाधिक २३ रन र आदर्शले १३ रनको योगदान दिएको थियो । एर्रे इन्टरनेशनल स्कुलका लागि बलिङ्ग गर्दै युवराज शर्माले २ विकेट र मनिष शर्माले २ विकेट लिन सफल भएका थिए ।
खेलमा जवाफी ब्याटिङका लागि आएका एर्रे इन्टरनेशनल स्कुलका खेलाडीहरु सबै विकेट गुमाउदै ६४ रन मात्र बनाउन सफल भयो। र उक्त खेल मदर टेरेशा पब्लिक स्कुलले ३० रनले जित्न सफल भयो। एर्रे इन्टरनेशनल स्कुलका लागि आकाश ठाकुरले सर्वाधिक १५ रन र कृष्ण मण्डलले १३ रनको योगदान दिएको थियो । मदर टेरेशा पब्लिक स्कुलको लागि बलिङ गरेको आदर्श झाले ५ विकेट र निलेश रोयले ३ विकेट लिन सफल भएका थिए । यस खेलको म्यान अफ दि म्याच एर्रे इन्टरनेशनल स्कुलको आदर्श झा लाई प्रदान गरिएको थियो ।
त्यस्तै आज ईलिमिनेटरको लागि मोनास्टिक स्कुल र हिलामी स्कुल बीच खेल भएको थियो। जसमा मोनास्टिक स्कुलले टस जितेर पहिला ब्याटिङको रोजेको थियो । पहिले ब्याटिङ गर्दै मोनास्टिक स्कुलका खेलाडीहरु ७ विकेटको गुमाउदै १८७ रनको योगफल तयार पारेको थियो । हिलामी स्कुल स्कूललाई जितको लागि १८८ रनको लक्ष्य दिएको थियो । यस टिमका लागि आयुष राज साहले सर्वाधिक ९४ रन,पियुष ठाकुर ४० रन र शुभ झाले १४ रनको योगदान दिएका थिए। हिलामी स्कुलको लागि आयुष यादवले ३ विकेट र हसन अलिले ३ विकेट लिन सफल भएको थियो । जवाफ ब्याटिङका लागि आएका हिलामी स्कुलले सबै विकेट गुमाउँदै २७ रन मात्र बनाउन सफल भयो। यो खेलमा मोनास्टिक स्कुलले १६० रनको भारी अन्तरले जित हात पर्न सफल भयो । हिलामी स्कुलका लागि नितेशले ६ रनको योगदान दिएको थियो । मोनास्टिक स्कुलका लागि पियुष ठाकुरले ५ विकेट र धिरज साहले ३ विकेट लिन सफल भएका थिए । खेलका म्यान अफ दि म्याच मोनास्टिक स्कुलका आयुष राज साह लाई प्रदान गरिएको थियो ।
प्रतियोगितामा १६ वटा विद्यालयले भाग लिएका छन् । खेल आइसीसी मान्यता अनुसार भइरहेको छ भने यो प्रतियोगिता जनकपुर स्पोर्टस क्लव र न्यु भिजन नेपालको आयोजनामा भईरहेको छ। भोली दोस्रो क्वालिफायरको लागी मोनास्टिक स्कुल र एर्रे इन्टरनेशनल स्कुल बीच हुने आयोजकले जानकारी दिएको छ ।
Discussion about this post