गिरिजानन्द साह/जनकपुरधाम/फागुन २३ गते। जनकपुरधाममा बिवाईडी(BYD) चौथो अन्तर स्कुल टी–२० क्रिकेट प्रतियोगिता अन्तर्गत आज मोनास्टिक स्कुल र संकटमोचन स्कुल बीच भएको खेलमा मोनास्टिक स्कुल ६७ रनले विजय भएको छ ।
आजको खेल मोनास्टिक स्कुल र संकटमोचन स्कुल बीच भएको थियो जसमा संकटमोचन स्कुलले टस जितेर मोनास्टिक स्कुललाई पहिला ब्याटिंगको लागि आमन्त्रण गरेको थियो। मोनास्टिक स्कुलले ब्याटिङ गर्दै ९ विकेट गुमाएर १५९ रन बनाएको थियो। संकटमोचन स्कुललाई जितको लागि १६० रनको लक्ष्य दिएको थियो । मोनास्टिक स्कुलको टिमका लागि नितेश यादवले सर्वाधिक ३९ रन र प्रशान्त ठाकुरले ३१ रनको योगदान दिएको थियो । संकटमोचन स्कुलका लागि बलिङ्ग गर्दै अजितले ३ विकेट र निखिलले १ विकेट लिन सफल भएका थिए ।
खेलमा जवाफी ब्याटिङका लागि आएका संकटमोचन स्कुलका खेलाडीहरु सबै विकेट गुमाउदै ९१ रन मात्र बनाउन सफल भयो। र उक्त खेल मोनास्टिक स्कुल ६७ रनले जित्न सफल भयो। संकटमोचन स्कुलका लागि निखिल मण्डलले सर्वाधिक १९ रन र जमुद्दीनले २९ रनको योगदान दिएको थियो । मोनास्टिक स्कुलको लागि बलिङ गरेको नितेश यादवले ३ विकेट र धिरजले ४ विकेट लिन सफल भएका थिए । यस खेलको म्यान अफ दि म्याच मदर मोनास्टिक स्कुलको नितेश यादव लाई प्रदान गरिएको थियो ।
प्रतियोगितामा १६ वटा विद्यालयले भाग लिएका छन् । खेल आइसीसी मान्यता अनुसार भइरहेको छ भने यो प्रतियोगिता जनकपुर स्पोर्टस क्लव र न्यु भिजन नेपालको आयोजनामा भईरहेको छ। भोली पहिलो खेल क्वालिफायरको लागी मदर टेरेशा पब्लिक स्कुल र एर्रे इन्टरनेशनल स्कुल बीच र दोस्रो खेल ईलिमिनेटरको लागि मोनास्टिक स्कुल र हिलामी स्कुल बीच हुने आयोजकले जानकारी दिएको छ ।
Discussion about this post