धनुषामा फेरी स्कुल बसको ठक्करबाट दुईजना घाइते

जनकपुरधाम/फागुन २१ गते। धनुषाको फेरी स्कुल बसको ठक्करबाट दुईजना घाइते भएका छन् । हिजो नै धनुषाको बटेश्वर गाउँपालिका ३ स्थित ढल्केवरको चिल्ड्रेन गार्डेन बोर्डिङ स्कुलको ना १ प ८५७२ नम्बरको बसले मधेश प्रदेश ०२–००५ प ५७२९ को मोटरसाइकलमा ठक्कर दिएको हो । ठक्करबाट मोटरसाइकलमा सवार मिथिला नगरपालिका १ लक्ष्मीबासका २६ वर्षीय मुकेश महतो र पछाडि सवार वर्ष २३ का रुपेश महतो घाइते भएका छन् । दुबै दाजुभाइ रहेको स्थानीयले बताएका छन् ।

चलक रुपेश गम्भीर घाइते रहेको धनुषाका प्रहरी प्रवक्ता डिएसपी रञ्जन अवाले जानकारी दिए । दुबैजनाको उपचार प्रादेशिक अस्पताल जनकपुरमा भइरहको छ । बस प्रहरीले नियन्त्रणमा लिएको छ भने चालक फरार रहेका छन् । चालकको खोजी कार्य र दुर्घटना विषयमा थप अनुसन्धान गरिरहेको जिल्ला प्रहरी कार्यालय धनुषाले जनाएको छ । तस्तै हिजो बिहानै एक स्कुल बसको ठक्करबाट जनकपुरधाम उपमहानगरपालिका ३ की ३५ वर्षीया राखदी देवी यादवको घटनास्थलमै मृत्यु भएको छ भन्ने र जनकपुर उपमहानगरपालिका २३ की ५८ वर्षीया देवकली साहको उपचारको क्रममा प्रादेशिक अस्पताल जनकपुरमा मृत्यु भएको जिल्ला प्रहरी कार्यालय धनुषाले जनाएको छ ।