जनकपुरधाम/असाेज २४ गते। धनुषा लक्ष्मीनिया गाउँपालिका वडा नम्बर ४ सपहीका आनन्द साहको परिवारलाई मधेस प्रदेश सरकारले ५ लाख रुपैयाँ राहत उपलब्ध गराउने भएको छ ।
मुख्यमन्त्री यादव मंगलबार जारी गरेको विज्ञप्तिमा इजरायलमा ‘लर्न एण्ड अर्न’का लागि गएका साह समेत १० जना नेपालीको मृत्यु भएकोमा दुख व्यक्त गरेका छन् ।

इजरायल पुगेको २६ दिनमा नै प्यालेष्टाइनी आक्रमणमा परी ज्यान गुमाएका साहको आत्माको चिरशान्तिका लागि कामना गर्दै शोकाकुल परिवारजनमा गहिरो संवेदना मुख्यमन्त्री यादवले प्रकट गरेका छन् । असह्य पीडाको घडीमा प्रदेश सरकारको सहानुभूति र सद् भाव साहपरिवारसित रहेको उनले जनाएका छन् ।
कृषि क्षेत्रमा प्रदेशलाई आत्मनिर्भर बनाउन साहको अध्ययनले महत्वपूर्ण योगदान पुग्ने थियो । कृषि विज्ञ बन्ने उनको सपना अधुरो रहँदा मधेश प्रदेशलाइ अपुरणीय क्षति भएको यादवले विज्ञप्तिमा उल्लेख गरेका छन् ।
इजरालयबाट शव चाँडो ल्याउन संघीय सरकारसित पहल गर्ने उल्लेख गर्दै मुख्यमन्त्री सरोज कुमार यादवले भने, इजरायलमा रहेका अन्य नेपालीहरुको चाहना अनुसार सरकारले स्वदेश फिर्ताका लागि ठोस पहल गर्नु आवश्यक छ ।

















Discussion about this post