सिरहा/असोज २० गते । सिरहाको नवराजपुर गाउँपालिका ३ जगतपुरस्थित हुलाकी सडकमा पिकअपले मोटरसाईकललाई ठक्कर दिँदा एकजनाको मृ त्यु भएको छ ।
मृत्यु हुनेमा नवराजपुर गाउँपालिका १ तामासुईयाका ३० वर्षीय अशोक कुमार यादवको रहेको जिल्ला प्रहरी कार्यालय सिरहाका प्रवक्ता रविन्द्र राज पाण्डेले जानकारी दिनुभयो । सोही ठाउँका २४ वर्षीय पवन चौधरीको खुट्टा भाचेको र उपचार प्रादेशिक अस्पताल लहानमै उपचार भईरहेको छ ।
आज विहान स ४ प ७५६६ नम्बरको मोटरसाइकल पश्चिमबाट पुर्वतर्फ जाँदै गरेको अबस्थामा सोही दिसामा जादैं गरेको स १ च १७६५ नम्बरको पिकअपले पछाडीबाट ठक्कर दिँदा दुर्घटना भएको हो । पिकअप र चालक प्रहरीको नियन्त्रणमा रहेको प्रवक्ता पाण्डेले जानकारी दिएको छ । थप अनुसन्धान भईरहेको जिल्ला प्रहरी कार्यालय सिरहाले जनाएको छ।
Discussion about this post