हाइकिंग जायके सुनि खबरिया
सबके मुहपर छलै इजोरिया
जागल छलै अजीब उत्सुकता
समुहमे छलै गजब रौनकता
हम, जे एक समतर भूमि सँ छलौ
धारण केने छलौ मौनता
करबो कि करितौ ?
खिस्सा कहानी जाक बुझल
पहाड अतेक बडका होइत छै
जेना विरहमे डुबल राति
विराट अतेक जेना
चुमि रहल गगन
बकुला सनक गोर
बदरामे ओछरायल
हरियर गोबर सँ निपलपोतल
हरियरे आँचर उडियाल
बहिरहल अमृत रस
मिलनलेल धरती सँ अगुतायल
पाबि भूमिक दुलार
कायल पवन सँग अलार
सुनब लागल पर्वतराजके
अपन सिनेहक भरल संसार
हमरालेल दिनक पर्वत पहाड
रातुक तराेगन बीच मामा चान
छल जेना नयनके जुडबबाला बात
बड असमंजस छल कि केल जाय ?
जाउ हाइकिंग कि मटेरदेल जाय ?
साथी संगीक जोर छल
मचादेने मोनमे शोर छल
कि सचमे छै हाकिंगमे उमंग ?
भित्र बहबैत छै नव तरंग ?
लहिलहिमे लागि भगेलौ बिदा
नहि छल पत्ता
रहत पल खट्टा कि मीठा ?
करलगलौ चढाइ
पँहुचके छल जे उचाइ
सांसक गति बढिगेल छल
पयर उठब नहि मानैछल
ताकि रहल छलौ ओ दृश्य रमनगर
सजाक आयल छल जे दुनु नयन
नहि जानि कत परागेल छलै दुर
चँहुदिस चकुवा भगेल छलौ चुर
गुम भगेल छलै ओ सौन्दर्य
बिलिन भगेल छलै ओ माधुर्य
देखारहल छल जततत माटि रोडा पाँथर
पसरल गााछ लत्ती जेना चौरी चाँचर
मोन सुठुवा भगेल छल छोट
रहिगेल छल ओहिना सपना मोट
परात भने
टेरमेर भेल छलै सभके देहिया
लरखरा गेल छलै बोलिया
सायद
अपन मोनमर्जीक छलै परिणाम
या कहि काबिल बनबाक छलै अंजाम
कवि-🖋️सुधा मिश्र
महोत्तरी (हाल काठमाडौ)

















Discussion about this post