जनकपुरधाम/श्रावण २७ गते। अन्तरराष्ट्रिय युवा दिवसको अवसरमा ‘दिगो बिकास लक्ष्य प्राप्तिमा युवाको साथः नवप्रवर्तन र उधमशिलतामा हरित सीप बिकास’ मुल नाराका साथ जिल्ला युवा सञ्जाल धनुषाले जनकपुरधाममा तीन दिवसीय कार्यक्रमको आयोजना गरी मनाएको छ ।
अन्तराष्ट्रिय युवा दिवसको तीन दिवसीय कार्यक्रम अन्तरगत पहिलो दिन सञ्जालका युवा लगायत विभिन्न संघसंगठनका युवाहरु जानकी मन्दिरमा पुगेर दिप प्रज्वलन गरी अन्तरराष्ट्रिय युवा दिवस मनाएका छन् ।
अध्यक्ष साहका अनुसार तीन दिन सम्म मनाइने अन्तराष्ट्रिय युवा दिवसको पहिलो दिन दिप प्रज्वलन गरिएको छ भने त्यसपछि सचेतनामूलक कार्यक्रम र रक्तदान कार्यक्रम गरिने छ ।
उक्त अवसरमा सञ्जालका अध्यक्ष कुलदिप साहले युवाहरु भविष्यको कर्णधार नभएर आजको कर्णधार हुनुपर्ने बताए । उनले जो जहाँ छ त्यहीँबाट युवाहरुले आफ्नो अधिकार सुनिश्चित गर्दै अगाडि बढ्नुपर्ने बताए । उनले भने, ‘मन्त्रालयबाट यस्तो योजना आओस् जसले दिर्घकालिन रुपमा युवाहरुको हकहितको लागि काम होस् । बजेट सकाउनका लागि एनजीओको प्रोग्राम जस्तो नआओस् ।’
सञ्जालले जनकपुरधाम उपमहानगरपालिका, ओरेक नेपाल, स्पर्श नेपाल, सुनौलो विहानी समाज, उन्नत नेपाल, इन्सेक, एडवोकेसी फोरमको सहकार्यमा अन्तराष्ट्रिय युवा दिवस मनाएको हो ।
यस्तै, हंसपुर नगरपालिकामा समेत सञ्जालले दिप प्रज्वलन गरी युवा दिवस मनाएको छ । हंसपुर नगरपालिकामा अजय साह र दिनेश साहको नेतृत्वमा दिप प्रज्वलन गरी युवा दिवस मनाइएको अध्यक्ष साहले जानकारी दिए ।
Discussion about this post