सप्तरी/श्रावण ९ गते । सप्तरीमा लागु औषध सेवनका लागी घरबाट पैसा लिएर जान नदिदा यूवकको कु टाईबाट श्रीमतीको ह त्या भएको छ भने आमा, बुबा कुटाईबाट घाइते भएका छन् ।
सप्तरीको महदेवा गाउँपालिका २ अकबरपुरका ३५ वर्षिय रामरुप खंगले लुगा धुन प्रयोग गरिने काठको मुग्रोंले टाउकोमा प्रहार गरी ३० वर्षिया श्रीमती पार्वतीको हत्या गरेका हुन् । बचाउन जाँदा मुग्रों प्रहारबाटै ६२ वर्षिया आमा सम्तोलिया र ७० वर्षिय बाबु परशुराम घाईते भएर अस्पताल भर्ना भएका छन् ।
सम्तोलियाको अवस्था भने गम्भीर रहेको छिन्नमस्ता अस्पताल राजविराजले जनाएको छ । आईतवार राती १० बजेतिर लागु औषध सेवन गरेर घर आएका रामरुपले बाकसबाट पैसा झिकेर फेरी लागु औषध सेवन गर्न जान खोज्दा परिवारका सदस्यहरुले रोकेको छिमेकीहरुले बताएका छन् ।
रामरुप लागु औषध दुब्र्यसनी रहेको वडाध्यक्ष जागेश्वर प्रसाद इसरले सुनाए । “पैसा लिएर जान खोज्दा परिवारजनले रोकेपछी घर आंगनमा राखिएको लुगा सफा गर्ने काठको मुग्रोंले अन्धाधुन्द प्रहार गर्न थालेको वडाध्यक्ष इसरले बताए । घटना पछी स्थानीयको सहयोगमा प्रहरीले रामरुपलाई नियन्त्रणमा लिई घाईते पार्वती, सम्तोलिया र परशुरामलाई उपचारका लागी छिन्नमस्ता अस्पताल राजविराज पु¥याएका थिए ।
उपचार कै क्रममा मध्यराती पार्वतीको मृत्यु भएको जिल्ला प्रहरी कार्यालय सप्तरीका प्रवक्ता डिएसपी नरेश कुमार सिंहले जानकारी दिए । उनको शव पोस्टमार्टमका लागी गजेन्द्र नारायण सिंह अस्पतालमा पु¥याइएको छ । रामरुपका बुवा परशुरामको जेनरल वार्डमा तथा आमा सम्तोलियाको आईसियुमा राखेर उपचार चलिरहेको छ ।
सम्तोलियाको टाउकोमा गहिरो चोट तथा अत्याधिक रक्तश्राव भएकाले अवस्था चिन्ताजनक रहेको अस्पतालका स्वास्थ्य संयोजक दिपेन्द्र यादवले बताए । आर्थिक अवस्था निकै कमजोर भएका खंग परिवार अर्काको खेतमा ज्याला मजदुरी गरेर हातमुख जोडने समस्यालाई टार्दै आएका थिए ।
लागु औषध दुब्र्यसनीका रुपमा गाउँघरमा परिचित रामरुपलाई सोमवार सप्तरी जिल्ला अदालतमा कर्तब्य ज्यान कसुर मुद्दामा म्याद थपि अनुसन्धान थालिएको जिल्ला प्रहरी कार्यालय सप्तरीले जनाएको छ ।
Discussion about this post