सप्तरी । सप्तरीको रुपनी गाउँपालिका १ स्थित रुपनी बजारमा आज ट्रकको ठक्करबाट एक बालकको मृ त्यु भएको छ ।
मृत्यु हुनेमा स्थानीय मो आजिम जानको १२ वर्षीय छोरा मो अर्मान्द मियाँ रहेका सप्तरी प्रहरीले जनाएको छ ।
पूर्वबाट पश्चिमतर्फ जाँदै गरेको को १ क १०८४ नम्बरको ट्रकले आज बिहान आधारभूत विद्यालय खोक्सर प्रवाहमा अध्ययनरत मियाँलाई विद्यालय जाने क्रममा ठक्कर दिएको थियो ।
ट्रकको ठक्करबाट गम्भीर घाइते बालककाे बीपी कोइराला स्वास्थ्य विज्ञान प्रतिष्ठान धरानमा उपचारको क्रममा मृत्यु भएको सप्तरीका प्रहरी प्रवक्ता प्रहरी नायब उपरीक्षक नरेशकुमार सिंहले जानकारी दिनुभयो ।
ठक्कर दिने ट्रक र चालकलाई नियन्त्रणमा लिएर आवश्यक कारबाही अगाडि बढाएको तथा घटना बारे थप अनुसन्धान भइरहेको प्रहरीले जनाएको छ ।
Discussion about this post