सप्तरीको डाक्नेश्वरी नगरपालिकाको १२ औं नगरसभामा ८२ करोड २३ लाखको बजेट पेश

सप्तरी/असार १० गते । सप्तरीको डाक्नेश्वरी नगरपालिकाको १२ औं नगरसभा शनिबार सम्पन्न भएको छ । नगर सभामा अगामी आर्थिक वर्ष २०८०।८१ का लागि ८२ करोड २३ लाख ४१ हजार रुपैयाँको आय व्यय सहितको बजेट पेश गरिएको छ ।

डाक्नेश्वरी नगरपालिकाको नगर–उपप्रमुख मिरा कुमारी यादवले पेश गर्नु भएको बजेटमा चालु तर्फ ६१ करोड ३५ लाख ४८ हजार अर्थात् कूल बजेटको ७४.६१ प्रतिशत तथा पूँजीगत बजेट सहित २० करोड ८७ लाख ९२ हजार रुपैयाँ अर्थात् कूल बजेटको २५.३९ प्रतिशत रहेको छ ।

बजेटको श्रोतको रुपमा नगरपालिकाको आन्तरिक आम्दानीबाट १ करोड ५७ लाख रुपैयाँ, बाह्य श्रोतमा संघीय सरकावाट वित्तिय समानिकरण अनुदानबाट १२ करोड ७५ लाख राजस्व वाडफाडवाट १० करोड ५८ लाख २१ हजार , समपुरक अनुदानबाट ९० लाख , विषेश अनुदानबाट २ करोड , सशर्त अनुदानबाट ४९ करोड ५९ लाख तथा प्रदेश सरकारको वित्तय समानिकरण अनुदानबाट ९४ लाख २० , प्रदेश राजस्व वाडफाडबाट ५५ लाख समपुरक अनुदानबाट २० लाख , विषेश अनुदानबाट ३० लाख, सशर्त अनुदानवाट १ करोड २५ लाख, सडकवोर्डबाट ६० लाख, पालिको स्थानिय संचितकोषबाट १ करोडको वजेट पेस गरिएको छ ।

यस अघि नगरपालिकाका नगरप्रमुख रामलखन मलाहले अगामी आर्थिक वर्षको लागि नीति तथा कार्यक्रम प्रस्तुत गर्दै नगरपालिमा कृर्षि क्षेत्रमा बढी भन्दा बढी लागानी गरी समृद्ध नगरपालिका बनाउने प्रतिबद्धता सहितको कार्यक्रम पेश गरेका छ्न  ।

उनले डाक्नेश्वरी नगरपालिका धार्मिक तथा पर्यटकीय स्थलहरूको सौन्दर्यीकरणका साथै नगरलाई स्मार्ट शहरको रुपमा विकास गर्नका लागि सबै प्रकारका उपायहरू अवलम्बन गर्ने प्रतिबद्धता प्रकट गरे ।

यसका साथै शिक्षा, स्वास्थ्य, भौतिक पूर्वाधार तथा कृषिको उत्पादन बजारीकरण सहितका योजनाहरुलाई विशेष रुपमा जोड दिने नगर प्रमुखले पेश गरेको नीति तथा कार्यक्रममा उल्लेख रहेको छ ।

नगर सभामा शुभकामना दिँदै पूर्व राज्य मन्त्री एवं लोकतान्त्रीक समाजवादी पार्टीका नेता चन्द्रकान्त चौधरीले नगरपालिकाको सार्वजनिक सम्पत्तिको संरक्षण हुनु पर्ने धारणा राखे ।
संविधानसभा सदस्य एबं नेकपा एमालेका जिल्ला अध्यक्ष ताराकान्त चौधरीले नगरपालिकाको विकासका लागि सबै अगाडी आउनु पर्नेमा जोड दिए ।

नेपाली काँग्रेसका नेता हरिसुदन यादवले नगरपालिकाको विकासलाई सफल बनाउन आफ्नो सक्रियता रहेने बताए ।
जनतासमाजवादी पार्टीका नेता राजेश्वर रायले शिक्षाको क्षेत्रमा नगरपालिकालाई सुधार गरी गुणस्तरीय शिक्षा लागू गराउन पदाअधिकारीलाई ध्यानार्षण गराएका थिए ।

१२ औं नगर सभामा नगरपालिका प्रमुख प्रशासकीय अधिकृत विनय सोनू सहित कर्मचारीहरु, पत्रकार , कार्यपालिका सदस्य लगायतको उपस्थिती रहेको थियो । साभा संचालन नगरपालिका प्रशासन प्रमुख उमेश प्रसाद साहले गरेका थिए ।-माई सञ्चार बाट