महोत्तरीमा भएको सडक दुर्घटनामा मोटरसाइकल चालकको मृ त्यु

महोत्तरी/जेठ २७ गते। महोत्तरीको बर्दिबास औरही भित्री सडकखण्डमा शनिबार ट्याक्टरमा मोटरसाइकल ठोक्किँदा मोटरसाइकल चालकको मृ त्यु भएको छ।

दुर्घटनामा औरही नगरपालिका २ का ६० वर्षीय ताहिर अन्सारीको मृ त्यु भएको हो। बर्दिबासस्थित इलाका प्रहरीका अनुसार औरहीबाट बर्दिबास तर्फ आउँदै गरेको ज ४ प २३५१ नम्बरको मोटरसाइकलले बर्दिबास २ स्थित बुद्धचोक नजिक विद्युत पोल लोड गरेको ज १ त १७४३ नम्बरको ट्याक्टरमा ठक्कर खाँदा मोटरसाइकल चालक अंशारी गम्भीर घाइते भएका थिए । उनको उपचारको क्रममा बर्दिबास स्थित सरकारी अस्पताल मृ त्यु भएको हो।

मोटरसाईकल र ट्याक्टर ईलाका प्रहरी कार्यालय बर्दिबासको नियन्त्रणमा रहेको र फरार ट्याक्टर चालकको खोजि कार्य जारी रहेको जिल्ला प्रहरी कार्यालय महोत्तरीले जनाएको छ ।