जनकपुरधाम/जेठ १४ गते । जनकपुरधाम स्थित रामस्वरुप रामसागर बहुमुखी (राराब) क्याम्पसमा विद्यार्थीले अब मोबाइल लगिए मोबाइल जफत गरिने भएको छ ।
आइतबार क्याम्पसले एक सूचना जारी गर्दै क्याम्पसमा अध्ययनरत् केही विद्यार्थीहरुले क्याम्पस कम्पाउण्ड भित्र क्याम्पसको पोशाक लगाएर टिक-टोक बनाएको भिडियो सार्वजनिक भएकोले सबै संकायको विद्यार्थीहरुलाई मोवाईल ल्याउन शख्त मनाही गरेको छ ।
सो सम्बन्धमा विगतमा पटक-पटक सूचना प्रकाशित गरिए पनि कतिपय विद्यार्थीहरुले मोवाईल ल्याउदै गरेकोले अब कुनै विद्यार्थीले मोवाईल ल्याएको पाईएमा उक्त विद्यार्थीलाई एकिन गरी मोवाईल जब्त गर्नुको साथै क्याम्पस प्रशासनबाट कडा कार्यवाही गरिने क्याम्पस प्रमुख प्रदीप कुमार प्रसादद्वारा हस्ताक्षरित सूचनामा उल्लेख छ।
Discussion about this post