महोत्तरी/बैशाख ६ गते। महोत्तरीमा बसले मोटरसाइकललाई ठक्कर दिँदा एकै परिवारका तीजनाको मृ त्यु भएको छ।
बुधबार दिउँसो करिब १२ बजेको समयमा गौशाला नगरपालिका १ रामनगरमा निर्माणाधिन रहेको रेल्वे ट्रयाकको २ सय मिटर उत्तरपट्टी बसले मोटरसाइकललाई ठक्कर दिँदा ३ जनाको मृ त्यु भएको जिल्ला प्रहरी कर्याालय महोत्तरीले जनाएको छ।
गौशाला रोड हुँदै गौशाला जाने क्रममा मधेश प्रदेश ०१–००४ प ६८१९ नम्बरको मोटरसाइकललाई सम्सीबाट जनकपुरधाम आउँदै गरेको बा ३ ख २३९६ नम्बरको बसले ठक्कर दिँदा मोटरसाइकलमा सवार तीनजनाको मृ त्यु भएको प्रहरी प्रवक्ता प्रहरी नायव उपरीक्षक दिलीपकुमार गिरीले जानकारी दिए।
दुर्घटनामा परी सिरहाको कल्याणपुर नगरपालिका १० बस्ने २६ वर्षीय अमृत मण्डल, उनको श्रीमती २४ वर्षीया अञ्जु मण्डल र भतिजि ६ वर्षीया अन्सु मण्डलको मृ त्यु भएको हो।बसका चालक फ रार भएकाले उनको खोजी भइरहेको महोत्तरीले जनाएको छ ।
Discussion about this post