बैशाख ५ गते। सप्तरीको खडक नगरपालिका र अग्निसाइर कृष्णासवरण गाउँपालिकामा भएको मोटरसाइकल दुर्घटना एक महिला र बाबुछोरासहित तीन जना घाइते भएका छन् ।
जिल्लाको खडक नगरपालिका १ सिस्वास्थित सोमबार भित्री सडक खण्डमा मोटरसाइकलको ठक्करबाट एक महिला घाइते भएकी छिन् ।
उत्तरबाट दक्षिणतर्फ जादैँ गरेको स.७प.५८९७ नं. माटरसाइकलले स्थानिय २५ वर्षिया गिता देवी रामलाई ठक्कर दिएको प्रहरीले जनाएको छ ।
प्रहरीका अनुसार आफ्नै घर अगाडी भैँसीका लागि पराल काटिरहेको अवस्थामा मोटरसाइकलले ठक्कर दिएको हो । ठक्करबाट राम बेहोस भएकोले कामना अस्पताल लहानमा उपचारका लागि लगिएको प्रहरीले जनाएको छ ।
ठक्कर दिने मोटरसाइकल चालक स्थानिय २२ वर्षिय कासेन्दर राम फरार रहेकोले खोजिकार्य भइरहेको तथा मोटरसाइकल प्रहरीले नियन्त्रणमा लिई घटना वारे थप अनुसन्धान कार्य भईरहेको जिल्ला प्रहरी कार्यालय सप्तरीले जनाएको छ ।
यसअघि आइतबार जिल्लाकै कंचनरुप नगरपालिका १० बदगामामा नम्बर नखुलेको मोटरसाइकलले अर्को मोटरसाइकललाई ठक्कर दिँदा दुई जना घाइते भएका छन् ।
पूर्वपश्चिम लोकमार्गमा पश्चिमबाट पूर्बतर्फ जादै गरेको प्र.२–०१–००३प.२६४४ नं. मोटरसाइकललाई नम्बर नखुलेको मोटरसाइकललाई ठक्कर दिँदा प्र.२–०१–००३प.२६४४ नं. को चालक अग्निसाईर कृष्णसवरण ६ बस्ने २५ वर्षिय सुमन परियार र पछाडी सवार उनका बुबा ५८ वर्षिय संतोष परियार घाइते भएका छन् ।
दुबै जनालाई धर्मेश्वर अस्पताल ठेलियामा उपचार भईरहेको छ भने दुबै मोटरसाइकल प्रहरीले नियन्त्रणमा लिई फरार रहेका चालकको खोजतलास गरिरहेको जिल्ला प्रहरी कार्यालय सप्तरीले जनाएको छ ।
Discussion about this post