जनकपुरधाम/जेठ २४ गते । इन्टरनेट सेवा प्रदायक संघले विराटनगर लगायत नौ स्थानमा कुनै पनि बेला इन्टरनेट सेवा बन्द हुनसक्ने जनाएको छ ।
सोमबार एक विज्ञप्ति जारी गरी संघले सो कुराको जानकारी दिएको हो ।संघले नेपाल विद्युत प्राधिकरणले पोलभाडा सम्बन्धमा उच्चस्तरीय समितिले दिएको प्रतिवेदन कार्यान्वयन नगरी उल्टो दिशातर्फ गैरकानुनी ढंगबाट इन्टरनेट प्वाइन्ट, डाटा सेन्टर, पिओपी र दुरसञ्चार उपकरण चलिरहेका ठाउँमा विद्युत लाइन काट्ने कार्य गरेकोले उक्त समस्या आएको जनाएको छ ।
प्राधिकरणले लाइट काटेका स्थानहरुमा व्याकअप सिस्टमको प्रयोगबाट इन्टरनेट चलाउँदै आएको बताउँदै संघले ब्याकअपले धान्न छाडेमा ती स्थानमा कुनै पनि बेलामा इन्टरनेट सेवा अवरुद्ध हुनसक्ने जनाएको छ ।
संघले प्राधिकरणका कारण यो अवस्था आएकोमा ग्राहक वर्गसँग दुःख समेत व्यक्त गरेको छ ।
Discussion about this post