प्रदेश २ का ५ सहित ७ जना नक्कली डाक्टर पक्राउ

काठमाडौँ,बैैैशाख ६ गते।नक्कली प्रमाणपत्र पेश गरेर काम गरिरहेका ७ जना ‘नक्कली चिकित्सक’लाई प्रहरीले पक्राउ गरेको छ ।

पक्राउ पर्नेमा डा. दिपेन्द्र गौतम,सुभाष प्रताप साह, मोहम्मद शाहिद राजा, अखिलेश कुमार देव, पल्लवी सिंह, फराज हुसेन खाँ र मोहमद सद्दिक रहेका छन् । उनीहरुले बंगलादेशमा एमबीबीएस अध्ययन गर्न जान एसएलसीको मार्कसिटमा योग्यता नपुगेपछि नाम, जन्ममिति, प्राप्तांक लगायत विवरण किर्ते गरेर नेपाल मेडिकल काउन्सिलबाट स्वीकृत लिएको अनुसन्धानबाट खुलेको प्रहरीले जनाएको छ ।

केन्द्रीय अनुसन्धान ब्यूरोले पक्राउ परेका उनीहरुलाई आज पत्रकार सम्मेलन गरि सार्वजनिक गरेको हो ।

प्रहरीका दीपेन्द्र गौतम रुकुम पश्चिमको चौरजहारी अस्पतालमा कार्यरत रहेका थिए । यसैगरी महोत्तरी सरपल्लो वडा नं ६ घर भई हाल जिल्ला जनकपुर उपमहानगरपालिका वडा नं- ७, जिरोमाईल बस्ने सुभाष प्रसाद साह जनकपुर चिल्ड्रेन हस्पिटलमा कार्यरत थिए ।

यस्तै सप्तरी, बिष्णुपुर गा.पा.वडा नं-२ घर भई हाल मोरङ विराटनगर म.न.पा वडा नं-५ सम्झनाचोक बस्दै आएका २८ वर्षीय मोहमद सिद्दिकलाई आइतबार पक्राउ गरिएको प्रहरीले जनाएको छ । धनुषा, सवैला न.पा. वडा नं- ५ घर भई हाल ललितपुर महानगरपालिका वडा नं- २ महालक्ष्मीथान बस्दै आएका २८ वर्ष मोहम्मद शाहिद राजा पक्राउ परेका छन् । उनी दिर्घायू हस्पिटल चाबहिलमा कार्यरत थिए ।

यसैगरी सप्तरी सकरपुरा वडा नं १ घर भई हाल जिल्ला मोरङ महानगरपालिका वडा नं- ३ बरगाछी बस्दै आएका अखिलेश कुमार देव पक्राउ परेका हुन् । त्यस्तै महोत्तरी मनरा वडा नं ५ घर भई हाल भक्तपुर मध्यपुर ठिमी नगरपालिका वडा नं-२ आदर्श बस्ती बस्दै आएका २७ वर्षीय पल्लवी सिंहलाई आइतबार पक्राउ गरेको हो ।पल्लवी भने अहिले किस्ट कलेजमा अध्यानरत छिन्।ललितपुर महानगरपालिका-२ सानेपा बस्दै २९ वर्षीय फराज हुसेन खाँ लाई पक्राउ गरेको प्रहरीले जनाएको हो ।