एजेन्सी।भारतीय क्रिकेट टिमको तीव्र गतिका बलर जसप्रीत बुमराह आज बैवाहिक बन्धनमा बाधिएका छन् ।
जसप्रीत बुमराहले मोडेल तथा स्पोर्ट्स एंकर संजना गणेशनसँग बिवाह गरेका हुन् । उनीहरुले पन्जाबी रिति रिवाजमा आफ्ना आफन्तजन र साथिहरुको उपस्थितिमा बिवाह गरेका छन् ।
वैवाहिक जीवनमा बाधिने कारणले नै उनले बीसीसीआई संग छुट्टि लिएका थिए । जसको कारण उनि इंग्ल्याण्डबिरुद्धको टि २० सिरिजको हिस्सा हुन् पाएनन ।
भारतीय सञ्चार माध्यमअनुसार जसप्रित बुमराह र संजना गणेशनसँग केहि समयदेखि प्रेममा थिए । उनिहरुले आफ्नो सम्बन्धको बारेमा कसैलाई नबताएको र मिडियामा एकसाथ नआएको कारण फ्यान्स हरु अचम्मित परेका छन् ।
जसप्रित बुमराहले ट्वीट गरेको विवाहको फोटो शेयर गरेर वैवाहिक बन्धनमा बाधिएको जानकारी दिएका छन् ।संजना पेशा अनुसार मोडेल र खेल एंकर हुन्। जसले क्रिकेट, ब्याडमिन्टन र फुटबलको होस्ट गर्छिन्। २०१९ को एकदिवसीय विश्वकपमा भारतको तर्फबाट उनले कार्यक्रमको संचालन गरेकी थिइन्।
संजना गणेशनको जन्म ६ मे १९९१ मा पुणेको महाराष्ट्रमा भएको थियो। उनी अहिले २८ वर्षकी भइसकेकी छिन्। उनले कोलकाता नाइट राइडर्सको शो नाइट क्लबको पनि होस्ट गरिसकेकी थिइन्। कार्यक्रममा टिमका सह–मालिक शाहरुख खान पनि उपस्थित थिए।
संजनाले आईपीएल लिलामीका साथै इन्डियन सुपर लिग र ब्याडमिन्टन सुपर लिग जस्ता प्रतियोगितामा होस्ट गरिसकेकी छिन्।
५ फिट ५ इन्च अग्ली संजना फिटनेस मन पराउँछिन्। उनी आफ्ना फिटनेसको धेरै ख्याल राख्छिन्। उनको मनपर्ने क्रिकेटर महेन्द्रसिंह धोनी हुन्। संजनाले पुणेको प्रख्यात विश्वविद्यालयबाट इञ्जिनियरिङमा डिग्री हासिल गरिसकेकी छन्।
यसका साथै उनी २०१४ मा मिस इण्डियाको फाइनलमा प्रवेश गरेकी थिइन्। उनी एक मोडेल पनि हुन्।
२७ वर्षीय जसप्रीत बुमराह हाल भारतीय क्रिकेट टिमका मुख्य फास्ट बलर हुन्। उनले भारतको लागि १९ टेष्ट, ६७ एकदिवसीय र ५० टी २० अन्तर्राष्ट्रिय खेल खेलेका छन्।
Discussion about this post