गोलबजारमा ऐतिहासिक सरसफाईको शुरुवात, आफनो ठाँउबाट विकासको शुरु हुनुपर्छः अभियन्ता रामरिझन यादव

संजय यादव, सिरहा।सिरहाको गोलबजार नगरपालिका ८ मा ऐतिहासिक सरसफाईको बिहिवार शुरुवात भएको छ । स्थानिय सामाजिक अभियन्ता एवं जनता समाजवादी पार्टी नेपालका केन्द्रीय अनुशासनन आयोगका सदस्य डा. जयनारायण यादवको आयोजनामा गोलबजार नगरपालिका ८(साबिक गाविस चन्द्रलालपुर ६)मा भएको चियापान भेटघाट तथा टोल सरसफाई कार्यक्रमको ऐतिहासिक शुरुवात गाँउबाट भएको छ । कार्यक्रममा सामाजिक अभियन्ता एवं जसपा नेपालका केन्द्रीय सदस्य रामरिझन यादवले आफनो गााउटोलको विकास गर्न नसक्नेले देशको विकास गर्न नसक्ने बताए । पूर्व प्रधानमंत्री डा. बाबुराम भट्टराईको प्रेस सल्लाहकार तथा लेखक समेत रहनु भएको यादवले आफनो गाँउलाई कसरी नमूना बनाउने सबैले आजै देखि नै अठोट लिन अनुरोध गरे । कार्यक्रमलाई सम्बोधन गर्दै यादवले भने, बस्ने घर जति सफा र राम्रो भए पनि बाटोघाटो फोहर र दुषित भए घर सफाईको खासै मतलब नरहने बताए । 

त्यस्तै जसपा नेपालका अर्का केन्द्रीय सदस्य अजिरमान थापाले शिक्षको आभावले सरसफाई सम्बन्धी समस्याहरु आएको बताए । थापाले भने, सरसफाई अभियानमा आजै देखि जुटन समस्त गा्रमवासीहरुमा अनुरोध गरे । ब्यक्तिगत सरसफाई गरेर मात्र पुग्दैन, सामुहिक सरसफाई गर्नु नितान्त आवश्यकता रहेको र यसबाट नै तपाई कति शिक्षित हुनु भएको कुराले प्रष्ट हुन्छ । 

सरसफाईको लागि अहोरात्र खटदै र देशलाई सरसफाईयुक्त बनाएर नै रहने योजनामा हरबखत लागिरहनु हुने सरसफाई अभियन्ता धिरेन्द्र साहले भने, हाम्रो समाजमा सामाजिक का्रन्ति हुन नसकेर सरसफाईको क्षेत्रमा निकै नै पछाडी परेको बताए । उनले भने, सरसफाईको क्रान्तिलाई सबैले मिलेर गरे मात्र सफलता मिल्ने बताए । सरसफाईयुक्त गर्ने टवाईलेट, किचेन, वरिपरिका सरसफाईको ब्यवस्थापन गर्नसके सरसफाई हुने बताए । सरसफाई अभियानको लागि आफनो गाँउटोलबाट उठन सबैमा आहवान पनि गरे ।

चियापान पश्चात कार्यक्रममा उपस्थित सम्पूर्ण महानुभावहरुसंगै हरिनारायण यादव, सूर्यनारायण यादव, रामनारायण यादव, राजेन्द्र सदा, कपिलदेव सदा, रामपरिक्षण यादव, रामदयाल यादव, देवनारायण महतो, रामकुमार सिंह, रामरिझन महतो, राजेश्वर यादव लगायत समस्त ग्रामवासी युवाहरुले हात हातमा झारु, कोदालो, बेल्चा लिई सरसफाई सम्बन्धी नाराहरु घनकाउदै डा. जयनारायण यादवको निवास अगाडीको सडक हुँदै पूर्व पश्चिम सडकको मुसहरी देखि मैनावती नदीको किनार सम्म सरसफाई गरे । 

सरसफाई कार्यक्रममा स्थानिय गाँउलेहरुमो उल्लेख्य र सकृय सहभागिता देखिएको थियो । कार्यक्रमलाई समापन गर्दै अभियन्ता डा. यादवले कार्यक्रममा सहभागि समपूर्ण महानुभाव र गा्रमवासीहरुलाई धन्यवाद ज्ञापन गरे । डा. यादवले भने, यस किसिमको कार्यक्रम प्रत्येक हप्ताको बिहिवार बिहान ८ बजे देखि गर्न सबैमा सल्लाह र सुझाव दिए ।