सप्तरीमा दुईवटा मोटरसाइकल एक आपसमा ठोक्किएर दुर्घटना हुँदा २ जनाको मृत्यु

सप्तरी।हुलाकी सडक अन्तर्गत सप्तरीको खड्क नगरपालिकाको विद्यापति चौकमा दुईवटा मोटरसाइकल एक आपसमा ठोक्किएर दुर्घटना हुँदा दुईजनाको मत्यु भएको छ भने अन्य दुईजना गम्भीर घाइते भएका छन् ।

पुर्वबाट पश्चिम तर्फ गईरहेको स.१ प ३७०१ नम्बरको मोटरसाइकल विपरित दिशाबाट आएको स.८ प ८४४१ नम्बरको मोटरसाइकल एक आपसमा ठोकिँदा सप्तरीकै बोदेबर्साइन नगरपालिका सिस्वा धनगढिका ३० वर्षीय सुरेशकुमार साह र अर्का एक जना नाम र ठेगाना नखुलेका मोटरसाइकल चालकको मृत्यु भएको हो ।

दुर्घटनामा मोटरसाइलको पछाडि सवार अन्दाजि ४५ बर्षीया एक महिला र अर्का एक पुरुष गम्भीर घाइते भएका छन् ।
घाइते दुवै जनाको तत्काल स्थानिय अस्पतालमा उपचार हुन नसकेपछि थप उपचारको लागि राजविराज पठाएको सप्तरीका प्रहरी उपरीक्षक राजेन्द्रप्रसाद धमलाले जानकारि दिए ।
दुर्घटनामा परेका दुवै मोटरसाइकल प्रहरीको नियन्त्रणमा रहेको जनाएको छ ।

दुर्घटनामा मोटरसाइकल चालक सप्तरीको बोदे बर्साइन नगरपालिका स्थित सिस्वा धनगढिका ३० वर्षीय सुरेशकुमार साह र अर्का नाम र ठेगाना नखुलेका मोटरसाइकल चाककको ज्यान गएको जिल्ला प्रहरी कार्यालय सप्तरीले जनाएको छ ।