महोत्तरी । बर्दिबास नगरपालिका १ स्थित बर्दिबास चौकमा आज (शनिबार )विहान भारतीय लहरीले रोकेर राखिएको अटोलाई ठक्कर दिदा एक जनाको मृत्यु भएको छ।मृत्यू हुनेमा अटो चालक बर्दिबास नगरपालिका १ का ४० वर्षीय टेक नारायण श्रेष्ठ छन् ।
बर्दिबास चौकमा रोकेर राखिएको ना.३ स. २३६१ नम्बरको अटोलाई आर जे ०२ जी बि ३३४७ नम्बर भएको भारतीय लहरीले ठक्कर दिदा अटोमा सवार रहेका श्रेष्ठको मृत्यु भएको ईलाका प्रहरी कार्यालय बर्दिबासका प्रवक्ता सोनु कुमार साहले जानकारी दिए ।
ठक्करबाट गम्भिर घाइते श्रेष्ठलाई उपचारको क्रममा बर्दिबास जनसेवा हस्पिटलमा मृत्यु भएको र भारतीय लहरीसहित चालक अरबिन कुमार बलाइतलाई नियन्त्रणमा ईलाका प्रहरी कार्यलय बर्दिबासका प्रवक्ता सोनु कुमार साहले बताएका छन ।
Discussion about this post