प्रदेश २ मा थप ३४ जनामा कोरोना संक्रमणको पुष्टि ,प्रदेश २ मा संक्रमीत को संख्या २८२४ पुग्यो

जनकपुर । प्रदेश २ मा पछिल्लो २४ घण्टामा थप ३४ जना कोरोना भाइरस (कोभिड-१९) को संक्रमण पुष्टि भएको छ । यो सँगै प्रदेश २ मा कुल संक्रमितको संख्या २८२४ पुगेको छ ।जसमा ३ जना महिला र ३१ जना पुरुषमा शनिबार कोरोना भाइरसको संक्रमण पुष्टि भएको प्रदेश स्वास्थ्य निर्देशनालयका प्रवक्ता एवंम वरिष्ट जनस्वास्थ्य अधिकृत विजय झाले जानकारी दिए ।

उनका अनुसार महोत्तरीमा २४ जना, सर्लाही २ जना, रौतहटमा ५ जना र बारा ३ जनामा संक्रमण पुष्टि भएको छ ।
महोत्तरीको मटिहानी नगरपालिकाकी ४५ वर्षीया महिलामा कोरोना संक्रमण पुष्टि भएको छ । साही नगरपालिका २ जना किशोर र ४ जना पुरुषमा कोरोना पुष्टि भएको हो । गौशाला नगरपालिकाका ४ जनामा कोरानो संक्रमण पुष्टि भएको छ । सोही नगरपालिकाका ११ जनामा कोरोना पुष्टि भएको हो ।
सर्लाहीको चक्रघट्टा गाउँपालिकामा ३० वर्षीया महिला र ३० वर्षीय पुरुष गरी २ जनामा कोरोना संक्रमण पुष्टि भएको छ ।

रौतहटको राजपुर नगरपालिकाको ४ जना पुरुष र एकजना महिलामा कोरोना पुष्टि भएको छ ।

बाराको सिम्रौनगढ नगरपालिकाका ३ जना पुरुषमा कोरोना पुष्टि भएको छ ।

प्रदेश २ मा बाट पछिल्लो २४ घण्टामा ११७ जना कोरोना संक्रमित निको भएर डिस्चार्ज भएका छन् । योसँगै हालसम्ममा ८५७ जना कोरोना संक्रमित उपचारपछि निको भएका छन् ।