प्रदेश २ मा थप ५४ जनामा कोरोना संक्रमणको पुष्टि ,प्रदेश २ मा संक्रमीत को संख्या १३७७ पुग्यो

जनकपुर।प्रदेश २ मा पछिल्लो २४ घण्टामा ५४ जनामा कोराना भाइरसको संक्रमण पुष्टि भएको छ । योसँगै प्रदेश २ मा कोरोना संक्रमितको संख्या १३७७ पुगेको छ ।प्रदेश २ का सामाजिक विकास मन्त्रालयले दिएको जानकारी अनुसार सप्तरीमा १३ जना, धनुषामा २१ जना, महोत्तरीमा १९ जना, सर्लाहीमा १ जनामा संक्रमण पुष्टि भएको जनाएको छ ।

सप्तरीको राजविराज नगरपालिकाको क्वारेन्टाइनमा रहेका ७ जना, छिन्नमस्ता गाँउपालिका क्वारेन्टाइनमा रहेका ४ जना र कञ्चनपुर नगरपालिका क्वारेन्टाइनमा रहेका २ जनामा संक्रमण पुष्टि भएको छ ।सप्तरीमा संक्रमितमध्ये ३ जना महिला र १० जना पुरुष हुन् ।

धनुषामा मुखियापट्टी मुसहरनियाँ गाउँपालिकाको क्वारेन्टाइनमा रहेका ११ जना र जनकनन्दी गाउँपालिकाको क्वारेन्टाइनमा रहेका १० जना कोरोना संक्रमित थपिएका छन् ।संक्रमितमध्ये २० जना पुरुष र १ जना महिला रहेको प्रदेश सामाजिक विकास मन्त्रालयले जनाएको छ । महोतरीको बर्दिबास नगरपालिकाको क्वारेन्टाइनमा रहेका १५ जना, एकडारा गाउँपालिकाका ४ जनामा कोरोना संक्रमण पुष्टि भएको छ ।

महोत्तरीमा संक्रमतिमध्ये १८ जना पुरुष र १ जना महिला रहेका छन् । सर्लाही जिल्लाको कोडेना गाउँपालिका क्वारेन्टाइनमा रहेका ३० वर्षीय १ जना पुरुष कोरोना भाइरसबाट संक्रमित भएको मन्त्रलायका सचिव रामप्रसाद घिमिरेले जानकारी दिए ।

मंगलबार प्रदेश २ बाट ३७ जना डिस्चार्ज भएका छन् । यो समेत कोरोनालाई जितेर अस्पतालबाट घर फर्किनेको संख्या २६३ जना पुगेको छ ।