जनकपुर।प्रदेश २ का सामाजिक विकास मन्त्रलयका सचिव रामप्रसाद घिमिरेका अनुसार प्रदेश नम्वर २ मा ७ जना महिला र १ सय ६७ जना पुरुष गरी कुल १७४ जना व्यक्तिहरुमा कोरोना संक्रमणको पुष्टि भएको छ । मन्त्रलयका सप्तरी जिल्लामा १६ जना, महोत्तरी जिल्लामा १२ जना, सर्लाही जिल्लामा १ सय २० जना, रौतहट जिल्लाका ११, बारा जिल्लामा ७ जना र पर्सा जिल्लामा ८ जना व्यक्तिहरुमा कोरोना संक्रमण पुष्टि भएको छ ।यो संगै कूल संक्रमितको संख्या १३२३ पुगेको छ ।
सप्तरीको बलान विहुल गाउँपालिका ३ स्थित क्वारेन्टाइनमा ३७ वर्षीय महिला एकजना, १२ र १८ वर्षीय किशोर २ जना, १९ देखि ४० वर्षका १२ जना र अर्का ४५ वर्षका पुरुष गरी १६ जनामा कोरोना पुष्टि भएको छ ।
महोत्तरीको औरही नगरपालिकाको क्वारेन्टाइनमा रहेका १९ देखि ४० वर्षका ७ जना र सोही क्वारेन्टाइनमा रहेका ४० देखि ६० वर्षका २ जना गरी ९ जना पुरुषमा कोरोना भाइरस पुष्टि भएको छ । महोत्तरीकै जलेश्वर नगरपालिकाको क्वारेन्टाइनमा १८ वर्षीय किशोर र १९ देखि ४० वर्षका २ जना पुरुष गरी ३ जनामा कोरोना पुष्टि भएको सचिव घिमिरेले बताए ।
सर्लाहीको विष्णु गाउँपालिकको क्वारेन्टाइनमा १ देखि १८ वर्षका ४ जना, १९ देखि ४० वर्षका ३० जना र ४५ वर्षीय पुरुषमा गरी ३५ जनामा कोरोना पुष्टि भएको छ । त्यसैगरी सर्लाहीकै बह्रमपुरी गाउँपालिकाको क्वारेन्टाइनमा रहेका ३८ जनामा कोरोना पुष्टि भएको छ ।
त्यस्तै चक्रघट्टा गाउँपालिकामा रहेको क्वारेन्टिनमा १५ जना पुरुष, बलरा नगरपालिकामा रहेका ८ जना र इश्वरपुर नगरपालिकाको स्थानीय क्वारेन्टिमा रहेका १८ जना र रामनगर गाउँपालिकाको क्वारेन्टाइनमा रहेका ३७ वर्षीय परुषमा कोरोना भाइरस पुष्टि भएको सचिव घिमिरेले बताए ।
रौतहटको इशनाथ नगरपालिकाको क्वारेन्टाइनमा रहेका १ जना, परवा नगरपालिकामा ५ जना, गौर नगरपालिकामा १ जना, गढीमाई नगरपालिकामा ४ जनामा कोरोना भाइरसको संक्रमण भएको छ ।
त्यसैगरी बाराको सुवर्णा गाउँपालिकामा ३ वर्षीया बालिका र २८ वर्षीया महिला सहित ४ जनामा, पचरौता नगरपालिकामा ३ जनामा कोरोना भाइरस पुष्टि भएको छ । पर्साको जगरनाथपुर गाउँपालिकाको क्वारेन्टाइनमा रहेका २५ वर्षीया महिला र ५५ वर्षीय पुरुष सहित ८ जनामा कोरोना भाइरसको संक्रमण पुष्टि भएको छ ।
यसैगरी प्रदेश नम्वर २ मा हालसम्म २ सय २६ जना कोरोना संक्रमितहरु उपचार पश्चात निको भएर घर फर्किएको सामाजिक विकास मन्त्रालयले जनाएको छ ।
Discussion about this post