जनकपुरधाम। धनुषामा एक महिलासहित ६ जना कोरोना भाइरसको नयाँ संक्रमित थपिएका छन् । आज भेटिएका संक्रमितहरु मध्ये ५ जना प्रदेश दुईको प्रदेशसभामा कार्यरत मर्यादापालकहरु रहेका छन् ।
गत जेठ १६ गते प्रदेश दुईका प्रदेशसभा सदस्य, कर्मचारी, मर्यादापालक, व्यक्तिगत सुरक्षा गार्ड, चालकसहित गरी ३ सय ४४ जनाको स्वाब संकलन गरी परीक्षणका लागि पठाइएको थियो ।जस मध्ये ५ जना मर्यादापालकमा कोरोना भाइरस संक्रमणको पुष्टि भएको धनुषाका प्रमुख जिल्ला अधिकारी कोषहरि निरौलाले जानकारी दिनुभयो । त्यस्तै प्रदेश २ का आर्थिक मामिला तथा योजना राज्यमन्त्री उषा यादवको स्वकीय सचिवमा कोरोना संक्रमण पाइएको हो ।धनुषाका प्रमुख जिल्ला अधिकारी कोषहरि निरौलाले उनमा संक्रमण पुष्टि भएको जानकारी दिए ।
प्रमुख जिल्ला अधिकारी निरौलाका अनुसार आज थपिएका ६ जना संक्रमित जनकपुरधाममै बस्दै आएका थिए । यता श्रोतका अनुसार उनीहरुमा संक्रमण देखिएपछि आज बस्ने भनिएको प्रदेशसभाको बैठक स्थगित गरिएको छ । योसंगै प्रदेशसभा बैठक अनिश्चितकालका लागि स्थगित गरिएको छ ।
Discussion about this post