जनकपुरधाम/भदौ २८ गते । श्री महावीर युवा कमिटीले वडादशैं २०८३ लाई सभ्य, भव्य तथा धुमधामका साथ मनाउने तयारीस्वरूप विभिन्न उपसमितिहरू गठन गरेको छ।
कमिटीको ६०औँ साधारण सभाबाट वडादशैं २०८३ का लागि विभिन्न १२ वटा उपसमिति गठन गर्दै संयोजकको जिम्मेवारीसमेत तोकिएको हो।
कमिटीका महासचिव भरत कुमार साहका अनुसार दशैं अवधिमा हुने धार्मिक, सांस्कृतिक तथा मनोरञ्जनात्मक कार्यक्रमलाई व्यवस्थित बनाउन विभिन्न क्षेत्रको जिम्मेवारी छुट्टाछुट्टै उपसमितिलाई दिइएको छ।
गठित उपसमितिहरूका संयोजकहरूमा मूल पूजा संयोजकमा दिपक कुमार साह, ठेहा संयोजकमा बिकेश पन्जियार, प्रसाद तथा महाप्रसाद संयोजकमा सोनु कुमार साह र रावण वध संयोजकमा आनन्द कुमार साह रहेका छन्।
त्यस्तै, सुरक्षा समिति संयोजकमा कुन्दन साह, भव्य श्रृंगार संयोजकमा बिकास राई, रमाइलो मेला संयोजकमा रोशन साह, भजन सन्ध्या संयोजकमा बिक्रम साह, गहवर व्यवस्थापन संयोजकमा सुरेन्द्र साह, लाइन व्यवस्थापन संयोजकमा शशि साह, खोइच व्यवस्थापन संयोजकमा किशन साह तथा सरसफाइ संयोजकमा सुनिल राउत चयन भएका छन्।
कमिटीले दशैंका धार्मिक तथा सांस्कृतिक गतिविधिलाई व्यवस्थित, मर्यादित र सुरक्षित रूपमा सम्पन्न गर्ने उद्देश्यले उपसमितिहरूलाई जिम्मेवारी प्रदान गरेको जनाएको छ। उपसमितिहरूले आ–आफ्नो जिम्मेवारीअनुसार तयारी अघि बढाउने बताइएको छ।
Discussion about this post