७ दिने भर्चुअल ग्राफिक्स डिजाइनिङ तालिम सफलतापूर्वक सम्पन्न

धनुषा/बैशाख २८ गते। डिजिटल युगसँगै प्रविधि तथा क्रियटिभ क्षेत्रप्रतिको आकर्षण बढ्दै गएको अवस्थामा युवाहरूलाई आधुनिक डिजिटल सीप प्रदान गर्ने उद्देश्यले आयोजना गरिएको “७ दिने भर्चुअल ग्राफिक्स डिजाइनिङ तालिम” सफलतापूर्वक सम्पन्न भएको छ। A.S. Creation द्वारा सञ्चालन गरिएको उक्त तालिममा ५० भन्दा बढी सहभागीहरूको उत्साहजनक सहभागिता रहेको आयोजकले जनाएको छ।

गत अप्रिल ८ तारिखदेखि सुरु भएको तालिम अप्रिल १५ मा सम्पन्न भएको हो। भर्चुअल माध्यमबाट सञ्चालन गरिएको तालिममा सहभागीहरूलाई Poster Designing, Social Media Creative Design, Photo Editing, Banner/Flex Design, Typography तथा Color Combination लगायत आधुनिक ग्राफिक्स डिजाइनिङसँग सम्बन्धित विभिन्न विषयमा व्यवहारिक तथा सैद्धान्तिक प्रशिक्षण प्रदान गरिएको थियो।

तालिमका प्रशिक्षक अनुराग साहले आधुनिक समयअनुसार आवश्यक पर्ने Creative Thinking, Branding Concept, Professional Editing Technique तथा Freelancing क्षेत्रमा ग्राफिक्स डिजाइनिङको महत्वबारे विस्तृत प्रशिक्षण दिएका थिए। प्रशिक्षण अवधिभर सञ्चालन गरिएको लाईभ प्राक्टिकल सेषन ले सहभागीहरूलाई अझ प्रभावकारी रूपमा सिक्ने अवसर प्रदान गरेको बताइएको छ।

कार्यक्रममा सहभागी अधिकांश युवाहरूले Professional Graphic Designing सम्बन्धी सीप सिक्ने अवसर पाएको प्रतिक्रिया दिएका छन्। तालिमले सहभागीहरूमा नयाँ सोच, सिर्जनात्मक क्षमता तथा डिजिटल क्षेत्रमा आत्मविश्वास अभिवृद्धि गर्न महत्वपूर्ण भूमिका खेलेको आयोजकको भनाइ छ।

तालिम सफलतापूर्वक सम्पन्न भएसँगै सहभागीहरूको सर्टिफिकेअट समेत अनलाईन अपलोड गरिएको जानकारी दिइएको छ। सहभागी युवाहरूले आगामी दिनमा यस्ता सीपमूलक तथा प्रविधिमैत्री तालिमहरू अझ व्यापक रूपमा सञ्चालन गर्नुपर्ने आवश्यकता औंल्याएका छन्।

“सीप सिकौँ, भविष्य निर्माण गरौँ” भन्ने मूल नारासहित सञ्चालन गरिएको उक्त तालिमले युवाहरूलाई डिजिटल तथा स्वरोजगारमुखी क्षेत्रमा अघि बढ्न प्रेरणा दिएको विश्वास आयोजक संस्थाले व्यक्त गरेको छ।