धनुषा । नेपाल टेलिकमले विभिन्न पदमा ८० जना कर्मचारी माग गरेको छ । टेलिकमले शुक्रबार सूचना जारी गर्दै उपप्रबन्धकदेखि जुनियर टेक्निसियनसम्मका पदहरूमा दरखास्त आह्वान गरेको हो ।
सूचनाअनुसार उपप्रबन्धक (टेलिकम) २ जना, उपप्रबन्धक (प्रशासन) १ जना, वरिष्ठ इन्जिनियर २ जना, वरिष्ठ प्रशासनिक अधिकृत १ जना, वरिष्ठ लेखा अधिकृत ३ जना, टेलिकम इन्जिनियर (कम्प्युटर) ५ जना, टेलिकम इन्जिनियर (इलेक्ट्रिकल) १ जना, इन्जिनियर (सिभिल) १ जना, सहायक प्रशासनिक अधिकृत ६ जना, सहायक लेखा अधिकृत ३ जना, ओभरसियर २ जना, सहायक २३ जना, टेलिकम टेक्निसियन १२ जना तथा जुनियर टेक्निसियन १८ जना माग गरिएको छ ।
इच्छुक तथा योग्यता पुगेका नेपाली नागरिकहरूले फागुन ७ गतेसम्म सामान्य दस्तुर तिरेर आवेदन दिन सक्नेछन् । साथै, दोब्बर दस्तुर तिरेर फागुन १४ गतेसम्म आवेदन दिन सकिने सूचनामा उल्लेख छ ।
परीक्षा दस्तुर ८ र ९ तहका लागि ८ सय रुपैयाँ, ६ र ७ तहका लागि ७ सय रुपैयाँ, ४ र ५ तहका लागि ५ सय रुपैयाँ तथा ३ तहका लागि ३ सय रुपैयाँ तोकिएको छ । समावेशी समूहअन्तर्गत ६, ७, ८ र ९ तहका लागि २ सय रुपैयाँ तथा ३, ४ र ५ तहका लागि १ सय रुपैयाँ अतिरिक्त दस्तुर लाग्ने जनाइएको छ ।
नेपाल टेलिकमले योग्यता, सेवा सर्त तथा आवेदन प्रक्रियासम्बन्धी थप विवरण आधिकारिक सूचनामार्फत हेर्न आग्रह गरेको छ ।
यस्तो छ टेलिकमले जारी गरेको सुचना:
Discussion about this post