जनकपुरधाम जेसिजको ४३ औं साधारण सभा सम्पन्न, नयाँ कार्यसमिति बर्ष २०२६ को अध्यक्षमा भवेश झा

माघ ३ गते। जनकपुरधाम जेसिज ४३ औं शाखा अधिवेशन शनिबार जनकपुरधाममा सम्पन्न भएको छ ।

जनकपुरधाम जेसिजमा आवद्ध सद्स्यहरुको उपस्थितिमा अधिवेशन सम्पन्न भएको हो । अधिवेशनमा वक्ताहरुले युवाहरु नै समाज र राष्ट्रको संवाहक रहेकाले युवाहरु समाज सेवामा सक्रिय हुनुपर्नेमा जोड दिए । पछिल्लो समय सामाजिक विचलन बढिरहेको समयमा युवाहरुको भूमिका महत्त्वपूर्ण हुने वक्ताहरुले बताए ।

साधारण सभामा जनकपुरधाम जेसिजका अध्यक्ष मुकेश कुमार साहको अध्यक्षता रहेको थियो भने विशिष्ठ अतिथीमा राष्ट्रिय मुक्ति पार्टी नेपालका केन्द्रीय सचिव संजय चौधरी र मधेस प्रदेशको अर्थ मन्त्री महेश प्रसाद यादव प्रमुख अतिथि रहनु भएको थियो।

अर्थमन्त्री यादवले संघिय लोकतान्त्रिक गणतन्त्रात्मक व्यवस्था ल्याउन मधेसी जनताले बलिदानी गरेकाले संघियता रक्षाकालागि अगाडि आउनु आवश्यक रहेको बताए । उनले भदौ महिनामा भएको जेनजी आन्दोलन व्यवस्था परिवर्तनका लागि नभई भ्रष्टाचार विरुद्ध तथा सुशासन कायम गर्न लागि भएको बताए । तर पछिल्लो समयमा जेनजी आन्दोलनको नाममा संघियतालाई लिएर गलत भाष्य निर्माण गरिएको बताए । संघियता विरोधी तत्व संघियता समाप्त पार्न सक्रिय रहेकाले त्यस्ता तत्वविरुद्ध युवाहरु एक हुनु आवश्यक रहेको बताए ।

अधिवेशनमा सामुदायिक तथा व्यवसायिक विकास क्षेत्र, व्यक्तिगत तथा अन्तर्राष्ट्रिय विकास क्षेत्र, महासचिवको प्रतिवेदन लगायतको प्रतिवेदन प्रस्तुत गरिएको थियो । अधिवेशनबाट नयां नेतृत्व समेत चयन भएको छ ।

बर्ष २०२६ को लागि अध्यक्षमा जेसी भवेश झा,का.का.उपाध्यक्षमा जेसी राम सोगारथ साह र जेसी अमरेन्द्र साह,उपाध्यक्षमा जेसी नवीन कुमार झा, जेसी कैलाश नारायण साह,जेसी विनय कुमार साह र जेसी सुरेश निर्बिरोध निर्वाचित भएका छन् । त्यस्तै, महासचिवमा जेसी मनोहर ठाकुर,कोषाध्यक्षमा जितेन्द्र साह र कानूनी सल्लाहकारमा जेसी दिपक यादव चयन भएका छ्न । अधिवेशनमा जनकपुरधाम जेसिजका बर्ष २०२५ का सम्पुर्ण कार्य समितिका पदाधिकारीहरु,पूर्ब अध्यक्षहरु,जनकपुरधाम,जेसिजका सदस्यहरु,आजीवन सदस्यहरु,पत्रकार लगायतका विभिन्न संघ संस्थाका प्रतिनिधिहरुको सहभागीता रहेको थियो।