गिरिजानन्द साह/चैत १८ गते। जनकपुर जेसीजद्वारा एक विशेष कार्यक्रमको आयोजना गरी सेनेटरी प्याड डिस्ट्रीब्युसन कार्यक्रम सम्पन्न गरेको छ। आज राजर्षी जनक क्याम्पसमा आयोजित उक्त कार्यक्रमलाई भव्यरुपमा सम्पन्न गरिएको छ।
कार्यक्रमका प्रमुख अतिथि राजर्षी जनक क्याम्पसका प्रमुख निरज झा रहनुभएको थियो। वहाँले कार्यक्रमको औपचारिक उद्घाटन गर्दै महिला स्वास्थ्य र स्वच्छताको महत्त्वबारे प्रकाश पार्नुभयो। प्रमुख अतिथिले किशोरी तथा महिलाहरुलाई स्वच्छता अपनाउन र आत्मनिर्भर बन्न प्रेरित गर्दै यस किसिमका सामाजिक कार्यक्रमहरु आवश्यक रहेको बताउनुभयो।
यश कार्यक्रमका प्रोजेक्ट डाइरेक्टर जेसी राम सोगारथ साह रहनुभएको थियो। हाँले कार्यक्रमको उद्देश्यबारे जानकारी गराउँदै महिला स्वास्थ्यलाई प्राथमिकतामा राखेर आयोजना गरिएको यो कार्यक्रम सफल भएको बताउनुभयो। उहाँका अनुसार, महिलाहरुको स्वच्छता अभिवृद्धि गर्नका लागि जनचेतना अभिवृद्धि गर्नु अत्यावश्यक रहेको बताए ।
यो कार्यक्रम जनकपुर जेसिजका कार्यवाहक अध्यक्ष जेसी मनोहर ठाकुरको अध्यक्षतामा पहिलो कार्यक्रम रहेको थियो। कार्यक्रममा जनकपुर जेसिजका कार्यवाहक अध्यक्ष जेसी मनोहर ठाकुर, जनकपुर जेसिज वर्ष २०२५ का कानुनी सल्लाहकार जेसी प्रशान्त कुमार झा, महासचिव जेसी दीपक कुमार यादव, उपाध्यक्ष राजेश ठाकुर, उपाध्यक्ष जेसी अमरेन्द्र कुमार साह लगायतका पदाधिकारी तथा सदस्यहरुको उल्लेखनीय उपस्थिति रहेको थियो।
त्यसैगरी, जनकपुर जेसिज वर्ष २०१३ का अध्यक्ष अजय कुमार मिन्टु, वर्ष २०१६ का अध्यक्ष तथा नेपाल जेसिजको महाधिवेशन प्रमोशन समितिका संयोजक जेसी सुधीर पजियार, पत्रकार गिरिजानन्द साह लगायत जनकपुर जेसिजका साधारण सदस्य तथा अन्य विशिष्ट व्यक्तिहरुको समेत कार्यक्रममा उपस्थिति रहेको थियो।
कार्यक्रमको अन्त्यमा सहभागीहरुलाई सेनेटरी प्याड वितरण गरियो। यस प्रकारको सामाजिक पहलले महिलाहरुको स्वास्थ्य र स्वच्छतामा सकारात्मक प्रभाव पार्ने अपेक्षा गरिएको छ।
Discussion about this post